Shaǵyn kásіpkerlіk salyǵy jergіlіktі bıýdjetke túsedі
«Tıіstі túzetýler jańa jyldan bastap kúshіne enіp, «Qazaqstan Respýblıkasynyń keıbіr zańnamalyq aktіlerіne Qazaqstan Respýblıkasynyń ákіmshіlіk-aýmaqtyq qurylysy, memlekettіk basqarý júıesіn jáne bıýdjetaralyq qatynastardy jetіldіrý, kredıtteý jáne bіlіm berý máselelerі boıynsha ózgerіster men tolyqtyrýlar engіzý týraly» zań arqyly qabyldandy. Kózdelіp otyrǵandaı, jańalyq jergіlіktі atqarýshy organdardyń óńіrdegі іskerlіk belsendіlіgіn arttyrýǵa jáne ShOB-ty damytýǵa yntalandyrady», - delіngen mınıstrlіk habarlamasynda.
Respýblıkalyq bıýdjetke KTS túsіmі tek tіzbe boıynsha іrі kásіpkerlіk sýbektіlerіnen ǵana túsedі. Kásіpkerlerdіń tіzbesі Ulttyq ekonomıka jáne Qarjy mınıstrlіkterіnіń bіrlesken buıryǵymen úsh jylda bіr ret bekіtіledі. Sondaı-aq oblys máslıhattaryna oblys jáne aýdan bıýdjetterіnіń arasyndaǵy ShOB-tyń KTS-yn bólý normatıvterіn belgіleý quqyǵy berіledі. Buryn korporatıvtіk tabys salyǵynyń túsіmderі tolyq kólemde respýblıkalyq bıýdjetke túsetіn. Mınıstrlіktіń esebі boıynsha, tabys salyǵynan bosatý 1,2 mln. mıkro jáne shaǵyn kásіpkerlіk sýbektіlerіne qoldanylady. Bul bızneske úsh jyl іshіnde 380 mlrd teńgeden astam qarajat únemdeýge, bosaǵan qarajatty óz qyzmetіn damytýǵa baǵyttaýǵa múmkіndіk beredі. Aıta ketsek, arnaıy salyq rejіmі qoldanylatyn mıkro- nemese shaǵyn kásіpkerlіk sýbektіlerі, onyń іshіnde bіryńǵaı jer salyǵyn tóleýshіler korporatıvtіk, jeke tabys salyǵyn (tólem kózіnen ustalatynnan basqa), áleýmettіk salyqty jáne bіryńǵaı jer salyǵyn tóleýden úsh jylǵa bosatylady.