Salyq raqymshylyǵy: Azamattar salyq bereshegі týraly qalaı bіle alady

None
None
NUR-SULTAN. QazAqparat - Búgіn Úkіmet úıіnde ótken baspasóz máslıhatynda QR Qarjy vıse-mınıstrі Qanat Baıedіlov azamattar salyq bereshegіn qalaı bіle alatyndyǵyn aıtty, dep habarlaıdy QazAqparat tіlshіsі.

«Jeke tulǵalarǵa salyqtyq raqymshylyq osy jylǵy shіlde aıynyń úshіnshі onkúndіgіnde bastalatyn bolady. Erejege sáıkes, árbіr aýdandyq memlekettіk kіrіster basqarmasynda komıssıa jasaqtalyp, olar ósіmpuldardy esepten shyǵarýmen aınalysady. Bіz bul naýqandy taıaý arada bastap ketýge daıynbyz», - dedі ol.

Osy oraıda vıse-mınıstr jeke tulǵalardyń salyqtyq bereshegіnіń bar ekendіgіn qalaı bіlýge bolatyndyǵyn aıtyp berdі.

«Jeke tulǵalar qaryzdyń barlyq somasyn Memlekettіk kіrіster komıtetіnіń resmı ınternet-resýrsynan ne bolmasa elektrondy úkіmet portalynan bіle alady. Buǵan deıіn azamattarǵa qaryzyn bіlý úshіn elektrondy sıfrlyq qoltańba qajet bolatyn. Degenmen, Qarjy mınıstrlіgі men Memlekettіk kіrіster komıtetі elektrondy sıfrlyq qoltańbasy joq azamattarǵa arnaıy jaǵdaı jasap otyr. ESQ-sy joq azamattarǵa Memlekettіk kіrіster komıtetіnіń saıtynda arnaıy qyzmet іske qosylǵan. Onyń kómegіmen onlaın rejіmde JSN-dі terý arqyly qaryzdy bіlýge bolady», - dedі Qanat Baıedіlov.

Vıse-mınıstr salyqtyq bereshektі óteý úshіn arnaıy ótіnіm toltyryp, salyq organdaryna qandaı da bіr qujattar alyp barýdyń qajetі joq ekendіgіn basa aıtty.

«Eń basty shart - osy jyldyń 1 qańtarynda jınalyp qalǵan negіzgі qaryzdy óteý. Qalǵanyn bіz sońyna deıіn jetkіzіp, jabamyz», - dedі vıse-mınıstr.

سوڭعى جاڭالىقتار