ەلوردا ءدارىحانالارىندا پرەپاراتتىڭ شەكتى باعاسىن كورسەتەتىن QR- كود ورناتىلدى
بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگىنىڭ ەلوردالىق دەپارتامەنتىندەگى پريەۆەنتسيا جانە پاراساتتىلىق باسقارماسىنىڭ باسشىسى مارات حايرۋللين ايتىپ بەردى.
«استانا - ادالدىق الاڭى» جوبالىق كەڭسەسىنىڭ ۇسىنىسىمەن نۇر- سۇلتان قالاسىنىڭ ءدارىحانالارىندا پرەپاراتتىڭ شەكتى باعاسى تۋرالى QR- كود ورناتىلدى. ياعني، حالىق دارىلىك پرەپاراتتاردىڭ شەكتى باعاسىن كورىپ، ءدارىحانا باعاسىمەن سالىستىرا الادى. مۇندا اكىمدىكتەرمەن بىرلەسىپ جۇمىس جۇرگىزىلدى جانە حالىققا ىڭعايلى بولۋى ءۇشىن جاسالدى»، - دەدى مارات حايرۋللين «س ق- فارماتسيا» ج ش س ەلوردالىق لوگيستيكالىق حابىندا وتكەن مونيتورينگتە تىلشىلەرگە بەرگەن سۇحباتىندا.
QR- كود ارقىلى مىندەتتى الەۋمەتتىك مەديتسينالىق ساقتاندىرۋ جۇيەسىندەگى بارلىق دارىلىك زاتتاردىڭ شەكتى باعاسىن كورۋگە بولادى. سونىمەن بىرگە، دەپارتامەنت وكىلى ءدارى- دارمەك باعاسى قىمباتتاعان جاعدايدا تۇرعىنداردىڭ قايدا جۇگىنە الاتىنىن ءتۇسىندىردى.
«بىزدە نۇر- سۇلتان قالاسى بويىنشا مەديتسينالىق فارماتسيەۆتيكالىق قىزمەتتى باقىلاۋ دەپارتامەنتى بار. ولار ءدارى- دارمەك باعاسىن قاداعالايدى. قۇقىقبۇزۋشىلىق انىقتالعان جاعدايدا، بۇل ىسپەن سىبايلاس جەمقورلىققا قارسى كۇرەس دەپارتامەنتىنىڭ تەرگەۋ بولىمشەسى اينالىسادى ال ءبىز تەك پروفيلاكتيكالىق جۇمىستاردى عانا جۇرگىزەمىز»، - دەيدى م. حايرۋللين.
ايتا كەتەيىك، «استانا - ادالدىق الاڭى» جوباسى اياسىندا نۇر- سۇلتان قالاسىنداعى سىبايلاس جەمقورلىققا قارسى قىزمەت دارىلىك زاتتار مەن مەديتسينالىق بۇيىمدار ساقتالاتىن «س ق- فارماتسيا» لوگيستيكالىق حابىنا مونيتورينگ جۇرگىزدى. ەلوردالىق ءبىرىڭعاي ديستريبيۋتور سولتۇستىك قازاقستان، پاۆلودار، اقمولا، قاراعاندى، قوستاناي وبلىستارى جانە نۇر- سۇلتان قالاسىنداعى 85 مەديتسينالىق ۇيىمدى دارىمەن قامتاماسىز ەتەدى.
اۆتور: ايجان سەرىكجان قىزى