قازاقستاندا ادامنىڭ يممۋندىق مارتەبەسى تۋرالى اقپارات قامتىلعان QR كود ەنگىزىلەدى
بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«پاندەميا باستالعاننان بەرى 1 جىلعا جۋىق ۋاقىت ءوتتى. جيناقتالعان تاجىريبە نەگىزىندە ارەكەت ەتۋ قاجەت. ءبىرقاتار ەل قازىردىڭ وزىندە بەلگىلى ءبىر شەكتەۋلەر ەنگىزۋ ءۇشىن نەگىزگى كريتەري رەتىندە حالىقتىڭ يممۋندىق مارتەبەسىن قاراستىرىپ وتىر»، - دەدى مەملەكەت باسشىسى.
وسى رەتتە قاسىم- جومارت توقايەۆ قازاقستاندا ەكونوميكالىق جانە سانيتارلىق شارالاردىڭ بالانسى نەگىزىندە جاڭا ناقتىلىق قۇرۋ قاجەتتىگىن باسا ايتتى.
«بۇل ءۇشىن بىزدە وتاندىق TI كومپانيالاردىڭ ناقتى ازىرلەمەلەرى دە بار. ۇكىمەتكە «اتامەكەن» ۇلتتىق كاسىپكەرلىك پالاتاسىمەن بىرلەسىپ، ءبىر اي مەرزىم ىشىندە ەپيدەمياعا قارسى شارالارعا تەڭگەرىمدى ءادىستى قامتاماسىز ەتۋ ماقساتىندا يممۋندىق مارتەبە تۋرالى اقپارات قامتىلعان QR كود ەنگىزۋ ماسەلەسىن پىسىقتاۋ تاپسىرىلادى»، - دەدى ق ر پرەزيدەنتى.