+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

Qostanaı oblysynda arendalyq turǵyn úı qurylysy eki ese artpaq

9 قازان 15:50 106
:ءبولىسۋ
Qostanaı oblysynda arendalyq turǵyn úı qurylysy eki ese artpaq

QOSTANAI. QazAqparat - Qostanaı oblysynda jańa Joldaýdy júzege asyrý aıasynda turǵyndardyń ómir súrý sapasyn jaqsartý maqsatynda turǵyn úı qurylysyn jylyna 10%-ǵa, al arendalyq turǵyn úı qurylysyn eki esege arttyrý josparlanyp otyr.

Mundaı derekti Joldaýdy talqylaý boıynsha aktıv otyrysy barysynda qurylys, sáýlet jáne qala qurylysy basqarmasynyń basshysy Nurlan Qatarbekov málim etti, dep habarlaıdy QazAqparat tilshisi.  
Oblysta «7-20-25» iske asyrý sheńberinde ekinshi deńgeıdegi bankterge 392 mln teńgege 49 ótinim tústi, onyń ishinde 299 mln teńge somasyna 39 ótinim maquldandy. Osy turǵyn úı baǵdarlamasy aıasynda Memleket basshysy ákimderge jergilikti bıýdjetten jeńildikti ıpoteka boıynsha bastapqy jarnalardy ishinara sýbsıdıalaý máselesin zertteýdi tapsyrǵan edi.

«Qazirgi tańda Astana men Shymkentte pılottyq rejimde 2 joba - bıýdjet salasynyń qyzmetkerleri úshin «Qamqor baspana» jáne jas otbasylar úshin «Jas arman» jobasy júzege asyrylyp jatyr. Bul jobalardyń basty artyqshylyǵy - baspana qunynyń 20% tólegen kezde, 10%-yn jergilikti atqarýshy organdar qamtamasyz etedi. Osy tájirıbeni zerttep, ony oblys aýmaǵyna engizýimiz qajet», - dep habarlady N.Qatarbekov.

«2018 jyly «Nurly jer» turǵyn úı qurylysy baǵdarlamasynyń aıasynda oblysta 290,9 myń sharshy metr baspana salynǵan. Bul ótken jylǵydan 10% joǵary. Biz jyl saıyn turǵyn úı qurylysyn 3500 páterden 4500 páterge deıin 10% ósirýdi josparlap otyrmyz», - dedi Qatarbekov.

Qazirgi tańda oblysta Qostanaı qalasynda turǵyn úı qurylysy belsendi júrip jatyr. «Soltústik-Batys», «Altyn-Arman», «Jańaqala», «Aeroport», «Iýbıleınyı» shaǵyn aýdandarynyń aýmaǵynda jańa úıler salynýda.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات