20:43, 17 - مامىر 2021 | GMT +6
الەكسەي سوي «QazVac» ۆاكسيناسىنىڭ ەكىنشى دوزاسىن سالدىردى
نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي QazVac ۆاكسيناسىنىڭ ەكىنشى دوزاسىن الدى.
بۇل تۋرالى مينيستر ءوزىنىڭ Facebook پاراقشاسىندا جازدى، دەپ حابارلايدى قازاقپارات.
«QazVac-تىڭ ەكىنشى ەكپەسىن الدىم. ءبىرىنشى دوزاسى سەكىلدى قازىر دە كوڭىل-كۇيىم جاقسى. ەشقانداي رەاكسيا جوق. ۆاكسينا - پاندەميادان شىعۋدىڭ جالعىز ءتيىمدى قۇرالى. امان-ساۋ بولىڭىزدار! وزدەرىڭىزدى قورعاڭىزدار!»، - دەپ جازدى مينيستر.
ەسكە سالا كەتسەك، 26- ساۋىردە الەكسەي سوي العاشقىلاردىڭ ءبىرى بولىپ «QazVac» ۆاكسيناسىن سالدىردى.
2021-جىلعى 17- مامىرداعى مالىمەت بويىنشا قازاقستاندا 1844938 ادام ۆاكسينا العان.