+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

قازاقستاندىق QazVac ۆاكسيناسىنىڭ العاشقى پارتياسى جونەلتىلدى

22 ءساۋىر 14:02
:ءبولىسۋ
قازاقستاندىق QazVac ۆاكسيناسىنىڭ العاشقى پارتياسى جونەلتىلدى

قورداي اۋدانى. قازاقپارات - بۇگىن ق ر پرەمەر-ءمينيسترىنىڭ ورىنباسارى ەرالى توعجانوۆ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى بازاسىندا وندىرىلگەن QazVac (QazCovid-in) قازاقستاندىق ۆاكسيناسىنىڭ ءبىرىنشى پارتياسىن جونەلتۋگە قاتىستى جانە جامبىل وبلىسى قورداي اۋدانى گۆاردەيسكي كەنتىندەگى بيوفارماتسيەۆتيكالىق زاۋىتتىڭ قۇرىلىسى بارىسىمەن تانىستى، دەپ حابارلايدى قازاقپارات.

«قازاقستاندىق ۆاكسينانىڭ جاسالۋى ءبىزدىڭ ەلىمىزدىڭ كوروناۆيرۋس ينفەكسياسىنا قارسى ءوز ۆاكسينالارىن ازىرلەگەن الەمنىڭ بەس ەلىنىڭ قاتارىنا ەنۋىنە مۇمكىندىك بەردى. بۇل تەك حالىقتىڭ دەنساۋلىعىنا عانا قاتىستى ماسەلە ەمەس، سونداي-اق وتاندىق عىلىمنىڭ الەۋەتى مەن بيوفارماتسيەۆتيكادا زاماناۋي تەحنولوگيالاردى ءىس جۇزىندە قولدانۋدىڭ، مەملەكەتتىڭ بەدەلدىڭ دالەلى»، - دەپ اتاپ ءوتتى ەرالى توعجانوۆ.

وتكەن جىلدىڭ قازان ايىندا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ وتاندىق ۆاكسينانى جاساۋ بويىنشا ناقتى تاپسىرمالار بەرگەن بولاتىن. ۆيتسە-پرەمەر مەملەكەت باسشىسىنىڭ قازاقستاندىق ۆاكسينانى شىعارۋ جونىندەگى بارلىق تاپسىرمالارى ۇكىمەتتىڭ ەرەكشە باقىلاۋىندا ەكەنىن جانە ۆاكسينانىڭ ءبىرىنشى پارتياسىنىڭ بۇگىنگى شىعارىلۋى ءىس جۇزىندە ورىندالعانىن ايعاقتايتىنىن اتاپ ءوتتى.

«QazVac» ۆاكسيناسىنىڭ العاشقى 50 مىڭ دوزاسى «س ك- فارماتسيانىڭ» حابتارىنا تاراتىلىپ، ودان ءارى ەلىمىزدىڭ بارلىق وڭىرلەرىندەگى دەنساۋلىق ساقتاۋ باسقارمالارىنىڭ قويمالارىنا جەتكىزىلەتىن بولادى. اعىمداعى جىلعى 26-ساۋىردە حالىقتى QazVac ۆاكسيناسىمەن ۆاكسيناتسيالاۋ باستالادى. مامىر ايىندا 50 مىڭ دوزا كولەمىندەگى ۆاكسينانىڭ كەزەكتى پارتياسىن شىعارۋ جوسپارلانۋدا.

بۇدان ءارى ۆاكسينا ءوندىرىسى كەزەڭ-كەزەڭمەن ايىنا 500-600 مىڭ دوزاعا دەيىن ۇلعايتىلاتىن بولادى.


وتاندىق ۆاكسينا دۇنيەجۇزىلىك دەنساۋلىق ساقتاۋ ۇيىمىنىڭ تىزىلىمىنە ەنگىزىلگەن. ونىڭ تولىق قاۋىپسىزدىگى دالەلدەندى، ۆاكسينا كوروناۆيرۋس ينفەكسياىسنا قارسى تۇراقتى يممۋنيتەتتى قالىپتاستىرادى. بەلسەندىلىگى جويىلعان ۆاكسينانىڭ ارتىقشىلىعى، ول ۆاكسينامەن بايلانىستى اۋرۋلاردى تۋدىرمايدى.


بۇدان باسقا، QazVac ۆاكسيناسىن جەتكىزۋ ادىستەرى كۇردەلى توڭازىتقىش قوندىرعىلارىن تالاپ ەتپەيدى، ولار توڭازىتقىشتا پليۋس 2-8 گرادۋس تەمپەراتۋرادا تاسىمالدانادى. سونداي-اق، ە. توعجانوۆ جۇمىس ساپارى كەزىندە بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى جانىنداعى بيوفارماتسيەۆتيكالىق زاۋىتتىڭ قۇرىلىسى بارىسىمەن تانىستى. قازىرگى ۋاقىتتا قۇرىلىس- جوندەۋ جانە ارلەۋ جۇمىستارى اياقتالدى. ينجەنەرلىك جەلىلەرگە قوسۋ ارقىلى جابدىقتاردى جوندەۋ، قوسۋ-باپتاۋ جانە ىسكە قوسۋ بويىنشا جۇمىستار جۇرگىزىلۋدە. اعىمداعى جىلعى ناۋرىزدا GMP ستاندارتتارىنا سايكەستىگى تۋرالى زەرتتەۋدىڭ وڭ قورىتىندىسى (DQ) الىندى. كەلەسى قادام - ​​ ​​ۆاليداتسيانى جۇزەگە اسىرۋ جانە GMP حالىقارالىق ستاندارتىنىڭ سەرتيفيكاتىن الۋ. وسى ماقساتتار ءۇشىن «اتاباي» تۇرىك كومپانياسى جۇمىلدىرىلدى.


وبەكتىنى ارالاۋ قورىتىندىسى بويىنشا ۆيتسە-پرەمەر وعان وڭ باعا بەرىپ، مەملەكەت باسشىسىنىڭ تاپسىرماسىنا سايكەس وتاندىق ۆاكسينا وندىرەتىن زاۋىت قۇرىلىسى بەلگىلەنگەن مەرزىمدە اياقتالعانىن اتاپ ءوتتى. بيىل بيوفارماتسيەۆتيكالىق زاۋىت بيىل ىسكە قوسىلعاننان كەيىن ونىڭ بازاسىندا QazVac ۆاكسيناسىن ءوندىرۋ جالعاستىرىلاتىن بولادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات