قازاقستاندىق QazCovid-in ۆاكسيناسى تانىستىرىلدى
«QazCovid-in ۆاكسيناسىنىڭ قورابىندا 10 قۇتى بار. ءار قۇتى 0,5 م ل نەمەسە 10 تامشى دوزادان تۇرادى. ۆاكسينانى توڭازتقىشتا ساقتاۋعا بولادى، ياعني 2-دەن 8+ گرادۋسقا دەيىن. ونى قاتىرۋعا بولمايدى»، - دەيدى قازاقستاندىق ۆاكسينانى ازىرلەۋشىلەردىڭ ءبىرى لەسپەك قۇتىمبەتوۆ.
ول ايتقانداي، ۆاكسينا يممۋنيتەتتى 7 ايعا دەيىن قورعايدى. «QazCovid-in — كوروناۆيرۋسقا قارسى 5 ۆاكتسينانىڭ بىرەۋى. ۆاكتسينانى ازىرلەۋ تەحنولوگياسى ءارتۇرلى. ءبىز بىردەن بىرنەشە ۆاكسينانى بىردەن دايىنداۋدى باستادىق. سونىڭ ءبىرى وسى»، - دەدى ول.
ۆاكتسينانىڭ يناكتيۆتى بولۋى ەڭ سەنىمدى، سەبەبى ول مۇلدەم زيانسىز ءتۇرى دەپ ايتۋعا بولادى. شىن مانىندە، بۇل - ونداعان جىلدار بويى سىنالعان ۆاكسينالاردى جاساۋدىڭ ءداستۇرلى باعىتى.
«ءبىراق ۆەكتورلىق جانە سۋبۋنيتتىك — بۇل جاڭا بۋىن ۆاكسينالارى. ءىس جۇزىندە ولاردىڭ تەك بىرنەشەۋى عانا كەڭىنەن قولدانىلدى. ايىرماشىلىق مىنادا، وندا باسقا وبەكتىگە بەرىلەتىن ۆيرۋستىڭ بەلگىلى ءبىر بولىگى عانا الىنادى. سوندىقتان مۇنداي ۆاكسينالاردىڭ كومەگىمەن يممۋنيتەتتى قالىپتاستىرۋ قيىنىراق»، - دەدى قۇتتىمبەتوۆ.
قازاقستاندىق ۆاكسينانىڭ عىلىمي اتاۋى- QazCovid-in، ساۋداعا شىعارىلاتىن اتاۋى - QazVac.
ايتا كەتەيىك، 25- ساۋىردە قازاقستاندىق ۆاكسينانىڭ العاشقى پارتياسى، ياعني 50 مىڭ دوزاسى «س ق-فارماتسيا» حابتارىنا جەتكىزىلەدى.