Qazaqstandyq balýandar Azıa chempıonatynda 16 medal jeńip aldy
QR Kúres túrleri federatsıasynyń baspasóz qyzmeti málim etkendeı, jarystyń sońǵy eki kúninde bozkilemde erkin kúres balýandary kúsh synasyp, 10 salmaq dárejesinde jeńimpazdar men júldegerlerdi anyqtady.
О́kinishke qaraı, qazaqstandyq erkin kúres balýandaryna Azıa chempıonatynyń bas júldesi buıyrmady. Eki balýanymyz fınaldyq básekede beldeskenimen, qarsylastaryna ese jiberip, kúmis medaldy qanaǵat tutty. Atap aıtsaq, 61 kelidegi Talǵat Syrbaz altyn medal úshin bolǵan beldesýde ózbekstandyq balýannan 4:6 esebimen jeńilip qalsa, 97 kelidegi Serik Baqytjanov ırandyq qarsylasynan 1:6 esebimen utyldy.
Qola medal Nurqoja Qaıpanov (70 keli), Erǵalı Álisher (92 keli), Omar Eıýbov (125 keli) syndy balýandardyń enshisinde.
Komandalyq esepte Iran, Úndistan jáne О́zbekstan quramalary úzdik úshtikti qurady. Japonıa - tórtinshi orynda. Qazaqstan balýandary besinshi orynǵa taban tiredi.
Osylaısha, elimizdiń jas balýandary Azıa chempıonatynda barlyǵy 3 altyn, 2 kúmis, 11 qola medalǵa ıe boldy. Onyń 2 altyn, 5 qola medalin grek-rım kúresiniń balýandary qorjynymyzǵa salsa, qyzdarymyzdyń enshisinde 1 altyn, 3 qola medal bar.