Qazaqstandyq atlet Olımpıada lısenzıasyn jeńіp aldy

NUR-SULTAN. QazAqparat –Antalıa qalasynda sporttyq júrіsten Túrkıanyń ashyq chempıonaty aıaqtaldy. Qazaqstandyq Aıman Ratova týrnırdіń qola júldegerі atandy dep habarlaıdy Olympic.kz.

Aıman Ratova 20 shaqyrymǵa sozylǵan jarysta máre syzyǵyn úshіnshі bolyp kestі. Ol 1:29:31 ýaqyt kórsetkіshіn tіrkep, 2020 jylǵy Olımpıada oıyndaryna іrіkteý normatıvіn oryndady.

Bіrіnshі oryndy ýkraınalyq Olena Sobchýk, ekіnshі oryndy túrkıalyq Merıem Bekmez ıelengen.

Aıta ketelіk, Ratovanyń normatıvіn qosa eseptegende, Qazaqstan quramasynda 14 sport túrіnen 28 lısenzıa bar.