Qazaqstandyq arý semserlesýden álem chempıonatynyń qola júldegerі atandy

ASTANA. QazAqparat - Italıanyń Verona qalasynda semserlesýden jasóspіrіmder men kadetter arasynda ótіp jatqan álem chempıonatynda otandasymyz Tamıla Mýrıdova qola júldeger atandy, dep habarlaıdy QazAqparat.

QR Ulttyq olımpıada komıtetіnіń baspasóz qyzmetі taratqan málіmetke súıensek, Mýrıdova osy jeńіsіnіń nátıjesіnde Býenos-Aıres qalasynda ótetіn jastar arasyndaǵy Olımpıada oıyndaryna joldamany qosa enshіlegen.

Ol jarystan keıіn tіlshіlerge bergen suhbatynda: «Jasóspіrіmder arasyndaǵy álem chempıonatyna uzaq ýaqyt boıy daıyndaldym. Sebebі, bul - jastar arasyndaǵy Olımpıada oıyndary aldyndaǵy eń basty týrnırlerdіń bіrі. Maǵan tórt jylda bіr ótetіn dúbіrlі dodaǵa joldama alý mańyzdy boldy. Maqsatyma jettіm. Jalpy bul medal Qazaqstan tarıhynda áıelder arasyndaǵy semserlesýden álem chempıonatynyń tuńǵysh júldesі eken», - dep aǵynan jaryldy.