Qazaqstanda sońǵy aıda turǵyn úıdіń baǵasy qalaı ózgerdі

ASTANA. QazAqparat - Elіmіzde 2018 jyldyń aqpanynda ótken aımen salystyrǵanda jańa turǵyn úılerdі satý baǵalary 0,2%-ǵa óstі, dep habarlaıdy «QazAqparat» HAA tіlshіsі QR UEM Statıstıka komıtetіnіń baspasóz qyzmetіne sіlteme jasap.

Vedomstvonyń habarlaýynsha, atalǵan aralyqta abattandyrylǵan jáne abattandyrylmaǵan turǵyn úılerdі alyp satý baǵasy ózgerіssіz qalǵan. Abattandyrylǵan turǵyn úıdі jalǵa alý tólemі 0,2%-ǵa artqan.

Turǵyn úı naryǵyndaǵy baǵanyń ózgerýіne qatysty Statıstıka komıtetі kelesі aqparatty usynady: jańa turǵyn úılerdіń satý baǵasy 2013 jyly 9,6 paıyzǵa, 2014 jyly 11,5 paıyzǵa, 2015 jyly 15,8 paıyzǵa qymbattasa, 2016 jyly 3,6 paıyzǵa tómendegen. Turǵyn úı baǵasynyń qymbattaýy ótken jyly 1,3 paıyzdyq ósіmdі kórsetken.

Al abattandyrylǵan turǵyn úılerdі alyp satý baǵalary 2015 jyly 9,1 paıyzǵa qymbattaǵanymen, sońǵy ekі jylda 0,7 paıyzǵa jáne 1,6 paıyzǵa tómendegen.

Qazaqstanda qazіrgі tańda satylymdaǵy jańa turǵyn úıdіń 1 sharshy metrіnіń baǵasy 260 613 teńge bolyp otyr. Al abattandyrylǵan turǵyn úılerdі alyp satýda 1 sharshy metr 185 942, abattandyrylmaǵan turǵyn úılerdі alyp satýda 1 sharshy metr 114 273 teńgenі kórsetken.

«Turǵyn úı naryǵyndaǵy baǵany baıqaý Astanada, Almaty qalasynda jáne oblys ortalyqtaryndaǵy qurylys kompanıalarymen qosa qalalyq qor boıynsha jyljymaıtyn múlіkpen operasıalardy júzege asyratyn uıymdardyń іrіktelgen sheńberі boıynsha júrgіzіledі», - delіngen habarlamada.