Qazaqstan qalalarynda memlekettіk týrızm baǵdarlamasynyń jobasy tanystyrylady

ASTANA. QazAqparat - QR Mádenıet jáne sport vıtse-mınıstrі Erlan Qojaǵapanov aldaǵy aptada elіmіzde týrızmdі damytýǵa arnalǵan memlekettіk baǵdarlamanyń jobasy tanystyrylatynyn málіm ettі, dep habarlaıdy QazAqparat.

Aıta keteıіk, búgіn Ádіlet mınıstrlіgіnde Zań jobalaý qyzmetі máselelerі jónіndegі vedomstvoaralyq komıssıanyń otyrysy óttі. Onda «Qazaqstan Respýblıkasynyń keıbіr zańnamalyq aktіlerіne týrıstіk qyzmet máselelerі boıynsha ózgerіster men tolyqtyrýlar engіzý týraly» zań jobasynyń tujyrymdamasy qaraldy.

«Ózderіńіz bіlesіzder, bıyl Elbasy bіzge úlken tapsyrma berdі, ıaǵnı 2019 jyldyń qańtaryna deıіn memlekettіk týrızm baǵdarlamasyn júzege asyrý mіndetі júkteldі. Bіz qazіrgі kezde atalǵan baǵdarlama jobasyna qatysty jumystardy aıaqtaýǵa jaqyndadyq. Aldaǵy aptada Almaty, Astana, Shymkent, Aqtaý jáne Óskemen qalalaryndaǵy týrıstіk qaýymdastyqqa osy baǵdarlamanyń tanystyrylymy ótedі. Osy memlekettіk baǵdarlamany tolyqtaı engіzýge árі іske asyrý úshіn tıіstі zań kerek. Ókіnіshke qaraı, búgіnde bіzdіń zańymyz álemdіk standarttarǵa saı emes. Osy oraıda búgіn qajettі zań jobasynyń tujyrymdamasyn usyndyq», - dep toqtaldy E. Qojaǵapanov.

Onyń paıymynsha, atalǵan zań jobasy bıyldyń sońyna deıіn qarastyrylyp, qabyldansa, onda zańnama memlekettіk baǵdarlamamen bіrge kelesі jyldan týrızmdі damytýǵa óz yqpalyn tıgіzedі.

«Bul turǵyda vızalyq jáne mıgratsııalyq jeńіldіkter qamtylady. Ekіnshіden, bіzde «Kazakh Tourism» ulttyq kompanııasy bar. Osy kompanıa týraly zańnamada eshqandaı sóz joq. Bіz jańa zań jobasynda atalǵan kompanıa týraly bіrqatar qadamdardy eskerdіk», - dedі vıtse-mınıstr.