Qazaqstan bıdaıynan mata jáne plastık óndiriletin bolady
Joba bıdaıdy tereń óńdeý arqyly ınnovasıalyq polıamıdti materıaldardy shyǵaratyn biregeı tehnologıany qamtıdy. Aldaǵy ýaqytta olar jasandy matalardyń, plastıkter men polımerlik jabyndylardyń óndirisi úshin paıdalanylatyn bolady. Álemde bul tehnologıany tek qytaılyq «Cathay Industrial Biotech, Ltd.» kompanıasy meńgergen. «Kazakh Invest» qoldaýymen qol qoıylǵan kelisimniń arqasynda ekinshi zaýytty Qazaqstan aýmaǵynda salý josparlanǵan.
Jobaǵa salynatyn ınvestısıa 2,5 mlrd AQSH dollaryn quraıdy. Bul - tolyǵymen eksportqa baǵyttalǵan joba. Oǵan jyl saıyn 2,5 mln tonna otandyq astyqty paıdalaný josparlanýda.
Eske salaıyq, Beıjiń qalasynda jalpy somasy 13 mlrd AQSH dollaryn quraıtyn ekonomıkalyq sıpattaǵy 40 qujatqa qol qoıyldy. Olardyń 15-i «Kazakh investtiń» qoldaýymen iske asty. Atalmysh kelisimderge sáıkes, Qazaqstan aýmaǵynda mashına jasaý, bıotehnologıalar salasyndaǵy jańa joǵary tehnologıalyq óndiristerdi iske qosý josparlanǵan.