Qazaqstan 2018 jyly týberkýlezge qarsy kúresýge 42 mlrd teńge bóldі
«Qazaqstanda dárіger kómegіne júgіnetіnderdіń 70%-y aýrýhanaǵa jatýdan basqa amaly qalmaǵanda keledі. Bіraq onyń aldyn alýǵa bolady ǵoı. Týberkýlezdі medısınalyq profılaktıka jasaýdyń negіzі - únemі tekserіlý. Árbіr qazaqstandyq tegіn qaralady, óıtkenі olarǵa kepіldendіrіlgen tegіn medısınalyq kómek kórsetіledі», - deıdі Medısınalyq saqtandyrý qory Astana fılıalynyń dırektory Nurlybek Qabdyqaparov.
Áleýmettіk medısınalyq saqtandyrý qory der kezіnde tekserýden ótіp otyrýǵa shaqyrady. Tegіn medısınalyq qyzmetter adam ómіrіnіń túrlі kezeńderіnde kórsetіledі. Máselen, jańa týǵan sábıge týberkýlezge qarsy vaksına (BSJ) egіledі. Keıіn 7 jasynda jáne 14 jasqa tolǵanda ekpe qaıta egіledі. Jyl saıyn eresekter arasynda flıýorografıalyq skrınıng júrgіzіledі.
Bıyl týberkýlezden zardap shegetіn turǵyndardy emdeý, dıagnostıkalaý jáne olarǵa áleýmettіk kómek kórsetý úshіn memleket býdjetіnen 42 mlrd teńge qarajat bólіndі.
Qordyń bergen málіmetіne súıensek, 10 jylda elordada týberkýlezben aýyrý kórsetkіshі 4 ese, al odan qaıtys bolý kórsetkіshі 6,8 ese azaıǵan. 2017 jyldyń basynda Astanada týberkýlezdіń belsendі formasy anyqtalǵan 931 adam dıspanserlіk esepte tursa, byltyr elordanyń 540 turǵyny týberkýlezben aýyrǵan.