Qaraǵandy oblysynda jol qurylysy úshin eki zaýyt iske qosyldy

None
None
QARAǴANDY. QazAqparat - Qaraǵandy oblysynyń Jańaarqa aýdanynda jergilikti kásipker usatyp-suryptaý jáne asfaltbeton zaýyttaryn iske qosty, dep habarlaıdy QazAqparat tilshisi.

«Eki zaýyttyń qurylysyna daıyndyq merzimin qosqanda 3 aı ketti. Kásiporynnyń zaýyttyq ónimdiligi saǵatyna 80 tonnany quraıdy. Jyl basynan Qaraǵandy-Jezqazǵan jolyn ortasha jóndeýge jáne Atasý-Qarajol avtojolyn asfalttaý boıynsha jumystar júrgizilip jatyr. Biz merdigerler retinde, sondaı-aq, materıaldardy jetkizýshiler bolǵandyqtan, iske aralasýdamyz», - dedi «Arqa Qurylys 2009» JSHS dırektory Serik Bazarbaev.

Eki zaýytta 30 shaqty adam jumys jasaıdy, qyzmetkerlerdiń 80 % - jergilikti turǵyndar. Kásipker bul iske óz qaltasynan 60% qarajat qosqan, qalǵan soma - bankten alynǵan qaryz. Jobanyń jalpy quny 200 mıllıon teńgeni qurady.

Sondaı-aq, kásipker atalmysh zaýyttardyń óńirdiń jol qurylysyna tıgizer yqpalyna toqtaldy.

«Eki zaýyt ta zamanaýı tehnıkamen jabdyqtalǵan. Qytaıdan ákelindi. Onda kabına jáne basqarý qurylǵysy bar. Eger qandaı da bir aqaýlar anyqtalyp jatsa, monıtorda barlyǵy kórinetin bolady. Bir sózben aıtqanda, kásiporynnyń jumysy avtomattandyryldy», - dedi S.Bazarbekov.

سوڭعى جاڭالىقتار