USD 434.24 EUR 492.69
RUB 5.67 CNY 68.46
جاڭالىقتار

اتىراۋدا Pfizer ۆاكسيناسىن اسحاناداعى سۋسىندارعا قوسادى دەگەن اقپارات تارادى

27 قاراشا 14:26
:ءبولىسۋ
اتىراۋدا Pfizer ۆاكسيناسىن اسحاناداعى سۋسىندارعا قوسادى دەگەن اقپارات تارادى

اتىراۋ. قازاقپارات - اتىراۋدا Pfizer ۆاكسيناسىن مەكتەپ اسحاناسىنداعى سۋسىندار مەن تاماققا قوسادى دەگەن جالعان اقپارات تاراعان، دەپ حابارلايدى قازاقپارات.

اتىراۋ وبلىستىق دەنساۋلىق ساقتاۋ باسقارماسى باسپا ءسوز قىزمەتىنەن ءمالىم ەتكەندەي، الەۋمەتتىك جەلىدە جالعان اقپارات تاراتىلىپ وتىر. اتا-انالاردىڭ چاتتارىندا «مەكتەپ اسحانالارىنداعى تاماق پەن سۋسىندارعا Pfizer ۆاكسيناسى قوسىلۋدا. ۆاكسينا قوسىلعان تاماقتى قابىلداعان بالالاردا ءقاۋىپتى اۋرۋدىڭ بەلگىلەرى، ياعني، جۇرەك اينۋ جانە قۇسۋ بايقالۋدا» دەلىنگەن.

«WhatsApp جەلىسىندە دىبىستىق حابارلاما تاراتقان بەلگىسىز ايەل Pfizer ۆاكسيناسى بالالارعا مۇرىن تامشىلارى ارقىلى دا ەنگىزىلۋدە دەپ مالىمدەگەن. بۇل اقپارات شىندىققا جاناسپايدى. سەبەبى، Pfizer كومپانياسى ءوندىرىپ وتىرعان كوميرناتي ۆاكسيناسىنىڭ ءار قۇتىسى 6 ادامعا ارنالعان. ۆاكسينالار مەديتسينالىق ورىنداردا ارنايى مۇزداتقىشتا ساقتالۋدا. بۇل ۆاكسينا 12 جاستان 18 جاسقا دەيىنگى جاسوسپىرىمدەرگە اتا-انالاردىڭ كەلىسىمىمەن يىققا سالىنادى.

ۆاكسينانىڭ مۇرىن تامشىلارى مەن سپرەي تۇرىندەگى بالامالارى جوق. جالعان جانە دايەكسىز اقپارات تاراتۋشىلارعا ق ر قىلمىستىق كودەكسىنىڭ 274-بابىنا سايكەس جازا كوزدەلگەن. قۇقىق بۇزۋشىنى ىزدەۋ ءۇشىن بارلىق قاجەتتى شارا قابىلداندى» - دەپ حابارلادى باسقارماسىنىڭ باسپا ءسوز قىزمەتى.

ەسكە سالا كەتەلىك، بۇدان بۇرىن اتىراۋدا Pfizer ۆاكسيناسىن 84 ايەل مەن 51 جاس ءوسپىرىم سالىنعانىن جازعان بولاتىنبىز.

اۆتور: بەك مۇستافا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات