امەريكالىق Pfizer كومپانياسى الەمنىڭ 95 ەلىندە كوروناۆيرۋستى ەمدەيتىن ءدارى-دارمەك شىعارماق

None
None
نۇر-سۇلتان. قازاقپارات - امەريكالىق Pfizer فارماتسيەۆتيكا كومپانياسى ب ۇ ۇ قولداۋىمەن جەنەۆالىق ءدارى-دارمەك پاتەنتتىك پۋلىمەن COVID-19 ۆيرۋسىنا قارسى تاجىريبەلىك ءدارى- دارمەك شىعارۋ كەلىسىمىنە قول قويدى، دەپ حابارلايدى قازاقپارات Euronews اگەنتتىگىنە سىلتەمە جاساپ.

سەيسەنبى كۇنى جاريالانعان مالىمدەمەدە بۇل پرەپاراتتىڭ وندىرىسىنە بەرىلەتىن ليتسەنزيا ونى الەمنىڭ 53 پايىز تۇرعىنى بار 95 ەلدە شىعارۋعا مۇمكىندىك بەرەتىنى ناقتىلانعان.

«باستاپقىدا بۇل ءدارىنى تەك قاۋىپ توبىنا جاتقىزىلاتىن ادامدارعا عانا بەرۋ كەرەك دەپ ويلايمىز. مۇنداعى ماقسات - ولاردىڭ اۋرۋحاناعا تۇسۋىنە جانە اۋرۋدىڭ اسقىنۋىنا جول بەرمەۋ. پرەپاراتتى اۋرۋدىڭ العاشقى بەلگىلەرى شىققان كەزدە بىردەن قابىلداۋ كەرەك»، - دەپ باياندادى پاتەنتتىك پۋل وكىلى ەرۆە ۆەرحۋسەل.

سوڭعى جاڭالىقتار