ساۋىرگە قاراي Pfizer- ءدىڭ تاعى 1 ميلليون دوزاسىن ساتىپ الامىز - ەرالى توعجانوۆ
«بىرىنشىدەن، Pfizer قازىر قولجەتىمدى. 4 ميلليون دوزادان استام Pfizer ەكپەسىن ساتىپ الدىق. قازىر ۆاكسينانىڭ بۇل ءتۇرى قولجەتىمدى ادامداردىڭ ناقتى ساناتى بار. ولار:12- 12 جاس ارالىعىنداعى جاس وسپىرىمدەر، جۇكتى جانە بالا ەمىزەتىن ايەلدەر. ۇجىمدىق يممۋنيتەت قالىپتاستىرۋ قاجەتتىگىن ەسكەرسەك، 60 تان اسقان ادامدارعا دا مۇمكىندىك بەردىك. بۇل ەل حالقىنىڭ 1 ميلليوننان استام ادامى دەگەن ءسوز. سوندىقتان Pfizer قولجەتىمدىلىگى ناقتى بار. باسقا دا ۆاكسينا تۇرلەرى بار ەكەنىن ەشكىم ۇمىتپاۋ كەرەك. ەكپەنىڭ قولجەتىمدىلىگى تۋرالى ماسەلە كۇن تارتىبىندە تۇرعان جوق. بۇدان باسقا قوسىمشا 1 ميلليون دوزا ساتىپ الامىز»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.
سونداي-اق، ول اتالمىش ۆاكتسينانى اقلى سەگمەنتكە شىعارۋ مۇمكىندىگىنە توقتالدى.
«اقىلى Pfizer ۆاكسيناسى تۋرالى ماسەلە ىلعي كوتەرىلىپ ءجۇر. بىرنەشە رەت جاۋاپ بەردىك دەپ ويلايمىن. Pfizer- ءدى اقىلى ساتپاۋ تۋرالى شەشىم قابىلدانعان. سوندىقتان Pfizer ۆاكسيناسى ناقتى ساناتتار ءۇشىن قازىر قولجەتىمدى 60 تان اسقاندارعا بولەمىز دەدىك قوي. سونىڭ ورنىن تولتىرۋ ءۇشىن ءساۋىر ايىنا قاراي تاعى 1 ميلليون دوزاسىن العىزامىز»، - دەدى ەرالى توعجانوۆ.