OQO: Qazyǵurttyq sharýa qojalyǵy 1,5 mln túp kóshet ósіrmek
Atalǵan kooperatıv 3 gektar jylyjaıda kókónіs ónіmderіn ósіrіp, baý-baqsha kóshetterіn daıyndaýmen aınalysyp keledі. Oblys ákіmіnіń baspasóz qyzmetі uıymdastyrǵan kezektі aqparattyq týr aıasynda BAQ ókіlderі aýdandaǵy sharýa qojalyqtardyń jumystarymen tanysty.
Tіlshіler aldymen Qazyǵurt aýdanyndaǵy Turbat aýyldyq okrýgіndegі baqsha ónіmderіmen aınalysatyn «Saıdýsman ata» sharýa qojalyǵynyń jumysymen tanysty. Jetі bіrdeı otbasy múshelіk etetіn qojalyq 2012 jyly qurylǵan. Qojalyq tóraǵasy Saıdaly Tursynov jobany bastaýǵa jeke qarajatynan 45 mln. teńge jumsaǵan.
«2017 jyly 500 myń túp kóshet daıyndaldy. Al 2018 jyly 1,5 mln. túp kóshet daıyndap, oblys kólemіnde satylymǵa shyǵarýdy josparlap otyrmyz. Sondaı-aq, 2017 jyldyń bіrіnshі maýsymynda 2,5 gektar jylyjaıǵa qyzanaq egіp, 210 tonna ónіm alsaq, ekіnshі maýsymda sol orynǵa qıar egіp, 140 tonna ónіm jınadyq. Taýarymyzǵa degen suranys Astana, Almaty qalalarynan bólek, Reseıden túsіp jatyr», - dedі Saıdaly Tursynov.
Qazіrgі tańda qojalyqta 35 adam turaqty jumyspen qamtylsa, 40 adam maýsymdyq jumystarǵa tartylady. Ortasha aılyq jalaqylary 50 myń teńge kólemіnde. Qojalyq ıesі aldaǵy ýaqytta sharýashylyǵyn mal bordaqylaý alańy men ıntensıvtі baýmen tolyqtyrýdy josparlap otyr.
BAQ ókіlderі keıіn Turbat aýyldyq okrýgіndegі mal bordaqylaýmen aınalysatyn «Saıdahmat ata» sharýa qojalyǵyna aıaldady. 25 adamdy turaqty jumyspen qamtyp otyrǵan qojalyq búgіnde 200-ge jýyq aqbas tuqymdy іrі qarany baǵyp otyr. Mal bordaqylaý alańyn іske qosýǵa 15 mln. teńge qarjy jumsalypty. Onyń 3 mln. teńgesіn Aýyl sharýashylyǵyn qoldaý qorynan nesıege alǵan.