قازاقستانداعى رەسەيلىك بانكتىڭ كلينەتتەرى قاراجاتىن بۇعاتتان بوساتۋ ءۇشىن OFAC رۇقساتىن الۋى ءتيىس
23 مامىر 17:33

قازاقستانداعى رەسەيلىك بانكتىڭ كلينەتتەرى قاراجاتىن بۇعاتتان بوساتۋ ءۇشىن OFAC رۇقساتىن الۋى ءتيىس

نۇر- سۇلتان. قازاقپارات - سبەربانك پەن الفا- بانك كلينەتتەرى قاراجاتتارىن بۇعاتتان بوساتۋ ءۇشىن ا ق ش رەتتەۋشىسىنىڭ جەكە رۇقساتىن الۋى ءتيىس.

بۇل تۋرالى ءماجىلىس دەپۋتاتتارىنىڭ ساۋالىنا ق ر قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسوۆانىڭ جاۋابىندا ايتىلعان، دەپ حابارلايدى قازاقپارات.

«سبەربانك» ا ق ە ب- دە جانە «الفا- بانك» ا ق ە ب- دە شەتەلدىك بانكتەر قايتارعان كليەنتتەر قاراجاتىنىڭ سوماسى بويىنشا اقپارات جوق، سەبەبى ولار ارقىلى وپەراتسيالار جۇزەگە اسىرىلعان بانكتەردىڭ كوررەسپوندەنتتىك شوتتارى بۇعاتتالعان. بۇعاتتالعان قاراجات كليەنتتەرگە باسقا بانكتەر ارقىلى قايتارىلۋى مۇمكىن»، - دەپ اتاپ وتەدى اگەنتتىك ءتوراعاسى جاۋابىندا.

ونىڭ تۇسىندىرۋىنشە، وپەراتسيالاردى بۇعاتتان بوساتۋ ءۇشىن بانكتەردىڭ كليەنتتەرى ءوز بەتىنشە ا ق ش رەتتەۋشىسىنىڭ (OFAC) ينتەرنەت- رەسۋرسىندا ارنايى نىساندى تولتىرۋ ارقىلى ونىڭ جەكە رۇقساتىن الۋى قاجەت.

«قازىرگى ۋاقىتتا بانكتەر ءوز كليەنتتەرىنە كونتراگەنت بانكتەرمەن كەلىسسوزدەردى جۇزەگە اسىرۋ جانە OFAC- تىڭ جەكە ليتسەنزياسىن الۋ ءتارتىبى تۋرالى اقپارات ۇسىنۋ ارقىلى كومەك كورسەتۋدە. 2022 -جىلعى 5-مامىردا «بانك سەنتركرەديت» ا ق «الفا- بانك» ا ق ە ب ساتىپ العانى بەلگىلى. «بانك سەنتركرەديت» ا ق «الفا- بانك» ا ق ە ب- ءنى اكتسيونەردىڭ اۋىسۋىنا بايلانىستى SDN تىزىمىنەن شىعارۋ ءۇشىن باس ليسەنزيا الۋ ماقساتىندا OFAC- قا حات جولدادى، ونى العاننان كەيىن ونىڭ كوررەسپوندەنتتىك شوتتارىن جانە كليەنتتەردىڭ قاراجاتىن تولىق بۇعاتتان بوساتۋ كۇتىلۋدە»، - دەلىنگەن ءمادينا ءابىلقاسىموۆانىڭ جاۋابىندا.

جاڭالىقتار