«Nur Otan» پارتياسىنىڭ جارعىسىنا وزگەرىس ەنگىزىلدى

نۇر-سۇلتان. قازاقپارات - «Nur Otan» پارتياسىنىڭ كەزەكتەن تىس XXI سەزىندە پارتيا جارعىسىنا وزگەرىستەر ەنگىزىلدى، دەپ حابارلايدى قازاقپارات پارتيانىڭ باسپا ءسوز قىزمەتىنە سىلتەمە جاساپ.

وسى ۋاقىتقا دەيىن پارتيالىق جارنا جالاقىنىڭ ەڭ تومەنگى مولشەرىمەن بايلانىستىرىلىپ، ەڭ تومەنگى جالاقىنىڭ %0,7 ءىن نەمەسە جىلىنا 3570 تەڭگەنى قۇراعانى بەلگىلى.

مەملەكەت باسشىسىنىڭ شەشىمىنە سايكەس، وسى جىلدىڭ قاڭتارىنان باستاپ بارلىق مەملەكەتتىك تولەمدەردى ەڭ تومەنگى جالاقىعا بايلانىستىرۋ الىنىپ تاستالدى.

«پارتيا جارعىسىنا سايكەس، پارتيالىق جارنانىڭ مولشەرىن بەكىتۋ سەزدىڭ ايرىقشا قۇزىرەتىنە جاتاتىندىقتان، بۇگىن دەلەگاتتار پارتيالىق جارنانى ايلىق ەسەپتىك كورسەتكىشكە بايلانىستىرىپ ەسەپتەۋ تۋرالى شەشىم قابىلدادى. بۇل ايلىق ەسەپتىك كورسەتكىشتىڭ 0,1 ءىن، ياعني جىلىنا 3676 تەڭگەنى قۇرايدى»، - دەپ جازىلعان پارتيا حابارلاماسىندا.

سەزدىڭ 389 دەلەگاتىنىڭ بارلىعى جارعىعا وزگەرىستەر ەنگىزۋگە داۋىس بەردى.