«Nur Otan» پارتياسىنىڭ ساياسي كەڭەسىنىڭ جاڭا قۇرامى جاريالاندى

نۇر-سۇلتان. قازاقپارات - «Nur Otan» پارتياسىنىڭ ساياسي كەڭەسىنىڭ جاڭا قۇرامى جاريالاندى، دەپ حابارلايدى قازاقپارات پارتيانىڭ باسپا ءسوز قىزمەتىنە سىلتەمە جاساپ.

«Nur Otan» پارتياسىنىڭ كەزەكتەن تىس XXI سەزىندە ساياسي كەڭەستىڭ 92 ادامنان قۇرالعان جاڭا قۇرامى بەكىتىلدى. بۇعان دەيىن «Nur Otan» پارتياسى ءوز ساياسي كەڭەسىندەگى وزگەرىستەر تۋرالى جاريالاعان ەدى.

جالپى، پارتيانىڭ جوعارى وكىلدى ورگانى %55 كە جاڭارعان. سونىمەن بىرگە، مەملەكەت باسشىسى قاسىم- جومارت توقايەۆ «Nur Otan» پارتياسىنىڭ ءتوراعاسى بولىپ ءبىراۋىزدان سايلاندى. ساياسي كەڭەستىڭ الدىڭعى تىزىمىندە 100 ادام بولعان، جاڭا تىزىمگە ەنبەگەندەر قاتارىندا - مادەنيەت جانە سپورت ءمينيسترى داۋرەن ابايەۆ، ق ر مەملەكەتتىك حاتشىسى ەرلان قارين، ءماجىلىس دەپۋتاتى داريعا نازاربايەۆا، «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك، بۇرىنعى پرەمەر-مينيستر اسقار مامين، الماتى قالاسىنىڭ اكىمى باقىتجان ساعىنتايەۆ، ەسەپ كوميتەتىنىڭ ءتوراعاسى ناتاليا گودۋنوۆا بار.

ال جاڭا مۇشەلەر قاتارىندا - ەل پرەزيدەنتى قاسىم-جومارت توقايەۆ، پارلامەنت سەناتىنىڭ ءتوراعاسى ماۋلەن اشىمبايەۆ، ءماجىلىس ءتوراعاسى نۇرلان نىعماتۋلين، پرەزيدەنت اكىمشىلىگىنىڭ جەتەكشىسى ەرلان قوشانوۆ بار.

بەكىتىلگەن كۇن تارتىبىنە سايكەس، Nur Otan پارتياسىنىڭ كەزەكتەن تىس XXI سەزىندە ءۇش ماسەلە قارالدى.

ولار - پارتيانىڭ ءتوراعاسىن سايلاۋ تۋرالى، جارعىعا وزگەرىستەر مەن تولىقتىرۋلار ەنگىزۋ تۋرالى جانە ساياسي كەڭەس قۇرامىنا وزگەرىستەر ەنگىزۋ تۋرالى ماسەلەلەر.