«Nur Otan» قاتارىن «تازارتۋ» كەرەك - نۇرسۇلتان نازاربايەۆ جەمقورلىقپەن كۇرەس تۋرالى

None
None
نۇر-سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ جەمقورلىقپەن كۇرەستى كۇشەيتۋ ماسەلەسىن كوتەردى، دەپ حابارلايدى قازاقپارات ءتىلشىسى.

«سىبايلاس جەمقورلىقپەن كۇرەستى بارىنشا كۇشەيتىپ، پارتيامىزدىڭ قاتارىن «تازارتۋ» كەرەك. بۇل تۋرالى كوپ ايتىپ كەلەمىز. سايلانعان پرەزيدەنت تە جاقىندا وسى ماسەلە تۋرالى ايتىپ كەتكەن بولاتىن. البەتتە، ءبىز دە، اگەنتتىك تە جۇمىس ىستەپ جاتىر. الايدا ءبىز بۇل كۇرەسكە حالىقتى تارتقان جوقپىز. سينگاپۋردا ءتارتىپ بار: ەگەر مەن ءوز ارىپتەستەرىممەن ءبىر كابينەتتە جۇمىس ىستەسەم، بىرەۋ جەمقورلىققا بارعالى جاتسا، ول تۋرالى مەن ايتپاسام - سول ءۇشىن مەنى جازالايدى. بىزدە ءتىپتى ونداي پسيحولوگيا دا جوق»، - دەدى نۇرسۇلتان نازاربايەۆ «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا.

ەلباسى وسى رەتتە ۇزدىك ەلدەردىڭ تاجىريبەسىن ءسىڭىرۋ كەرەكتىگىن ايتتى.

«ەگەر ءبىز ءبارىن وزىمىزدەن باستاماساق، بۇل دەرتتى جەڭە المايمىز. ءيا، ءى ءى م، ۇ ق ك، اگەنتتىك جۇمىس جۇرگىزىپ جاتىر. ال بىزدە كەرىسىنشە، زاڭ بۇزۋشىلاردى قورعاۋ قالىپتاسىپ قالعان»، - دەدى نۇرسۇلتان نازاربايەۆ.

ايتا كەتسەك، ەلوردادا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ توراعالىعىمەن «Nur Otan» پارتياسى ساياسي كەڭەسىنىڭ كەڭەيتىلگەن وتىرىسى ءوتىپ جاتىر.

سوڭعى جاڭالىقتار