+7 (701) 759 90 19 Лента
15 °С : نۇر-سۇلتان
17 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

نازاربايەۆ: «Nur Otan» ستراتەگيالىق باعىتتان اۋىتقىماۋى ءۇشىن بۇكىل قوعامدى جۇمىلدىرۋى ءتيىس

21 تامىز 12:55
:ءبولىسۋ
نازاربايەۆ: «Nur Otan» ستراتەگيالىق باعىتتان اۋىتقىماۋى ءۇشىن بۇكىل قوعامدى جۇمىلدىرۋى ءتيىس

نۇر-سۇلتان. قازاقپارات - «Nur Otan» ستراتەگيالىق باعىتتان اۋىتقىماۋى ءۇشىن بۇكىل قوعامدى جۇمىلدىرۋى ءتيىس.

بۇل تۋرالى «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«پارتيامىز دامۋدىڭ جاڭا كەزەڭىنە كەلىپ وتىرعانىن ءبارىمىز ءتۇسىنىپ، ءبىلىپ وتىرمىز. زامان وزگەردى، جاعداي وزگەردى. «Nur Otan» ەلىمىزدىڭ جەتەكشى كۇشى رەتىندە ساياسي باسشىلىقتى بەكەمدەپ، ستراتەگيالىق باعىتتان اۋىتقىماۋى ءۇشىن بۇكىل قوعامدى جۇمىلدىرۋعا ءتيىس. بۇل قۇر اشەيىن ايتىلعان ءسوز ەمەس. ءبىز قازاقستاننىڭ، حالىقتىڭ ورتاسىنداعى ەلدى جەتەلەيتىن، ەلگە تۇسىندىرەتىن ۇيىمبىز. ەگەر ونداي ءرولدى ورىنداماساق، وندا ءبىزدىڭ ورنىمىزعا باسقا پارتيا كەلەدى. سوندىقتان جاۋاپكەرشىلىكتى ناقتى ءتۇسىنۋىمىز كەرەك»، - دەدى ق ر تۇڭعىش پرەزيدەنتى.

وسى رەتتە ەلباسى پارتيانىڭ 2050-جىلعا دەيىن قابىلدانعان باعدارلامادا دامىعان 30 ەلدىڭ قاتارىنا كىرۋ ماقساتى قويىلعانىن ەسكە سالىپ ءوتتى.

«بارلىق باعدارلامالار سوعان بايلانىستى. سول ماقساتقا جەتۋ ءۇشىن جاساپ جاتىرمىز. زامان تالاپ ەتتى. يندۋستريالىق، ينفراقۇرىلىمدىق باعدارلامالار، اۋىل شارۋاشىلىعى، ءۇي قۇرىلىسى، مەديتسينا، حالىقتى اعارتۋ جۇمىستارىنىڭ بارلىعى ءبىر مۇددەگە جەتۋ ماسەلەسى. بارلىعىمىزدىڭ ويىمىز وسى ماقساتقا جەتۋ بولۋى كەرەك»، - دەدى نۇرسۇلتان نازاربايەۆ.

ق ر تۇڭعىش پرەزيدەنتى 2015-جىلدان باستاپ 5 ينستيتۋتتىق رەفورما جۇزەگە اسىرىلىپ جاتقانى ايتتى.

«ەستەرىڭىزگە سالا كەتەيىن، بۇل زاڭ ۇستەمدىگى، ءارتاراپتاندىرۋعا نەگىزدەلگەن ەكونوميكالىق ءوسىم، بولاشاعى ءبىر ۇلت، ترانسپورەنتتى ءارى ەسەپ بەرەتىن مەملەكەت. بەس باعدارلاما دەگەن وسىعان بايلانىستى. 2017-جىلى پارلامەنت پەن ۇكىمەتتى كۇشەيتۋ ءۇشىن بيلىك تارماقتارى اراسىندا وكىلەتتىكتەردى قايتا قاراپ، ساياسي جۇيەنى جاڭعىرتتىق. 2018-جىلى سايلاۋ زاڭناماسىن جەتىلدىردىك. ءماسليحاتتاردىڭ كەلەسى سايلاۋى العاش رەت پارتيالىق ءتىزىم بويىنشا وتكىزىلەيىن دەپ وتىر»، - دەدى ەلباسى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات