«Nur Otan» پارتياسىنىڭ ساياسي كەڭەسى 55 پايىزعا جاڭاردى

نۇر-سۇلتان. قازاقپارات - «Nur Otan» پارتياسى ءوز ساياسي كەڭەسىندەگى وزگەرىستەر تۋرالى ايتىپ بەردى، دەپ حابارلايدى قازاقپارات.

«389 دەلەگاتتىڭ 389 ى ساياسي كەڭەس قۇرامىنىڭ وزگەرىستەرىنە داۋىس بەردى. وعان پارتيا مۇشەلەرىنىڭ سانىنا پروپورتسيونالدى تۇردە بارلىق ءوڭىردىڭ وكىلدەرى ەندى. جالپى، پارتيانىڭ جوعارى وكىلدى ورگانى 55 پايىزعا جاڭاردى»، - دەپ جازىلعان پارتيا حابارلاماسىندا.

پارتيانىڭ باسپا ءسوز قىزمەتىنىڭ حابارلاۋىنشا، ايەلدەردىڭ ۇلەسى 33,7 پايىزعا دەيىن ءوستى. 35 جاسقا دەيىنگى جاستاردىڭ ۇلەسى 6 ەسەگە، ياعني 13 پايىزعا دەيىن ارتتى. ورتاشا جاس مولشەرى 4 جىلعا تومەندەپ، 47 جاستى قۇرادى.

«مەملەكەتتىك قىزمەتشىلەر سانى ۇشتەن بىرگە قىسقاردى. ساياسي كەڭەستىڭ قۇرامىندا ازاماتتىق سەكتوردىڭ وكىلدەرى ايتارلىقتاي ارتتى. ءبىلىم بەرۋ سالاسىنىڭ وكىلدەرى 2 ەسەگە (10 پايىزعا) ارتسا، ۇ ە ۇ مەن ب ا ق ۇلەسى 2 ەسەدەن استامعا، 15,2 پايىزعا ۇلعايدى»، - دەيدى پارتيا.

ايتا كەتەيىك، «Nur Otan» پارتياسىنىڭ كەزەكتەن تىس XXI سەزىندە پارتيا ساياسي كەڭەسىنىڭ جاڭا قۇرامى بەكىتىلدى.

ايتا كەتەيىك، «Nur Otan» پارتياسىنىڭ كەزەكتەن تىس XXIسەزىندە پارتيا ساياسي كەڭەسىنىڭ جاڭا قۇرامى بەكىتىلدى.

جاڭا ءتىزىمدى «Nur Otan» پارتياسىنىڭ سايتىنان كورۋگە بولادى.