+7 (701) 759 90 19
14 °С : نۇر-سۇلتان
24 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

NASA عالىمى مارسقا ۇشۋ بويىنشا يلون ماسكتىڭ يدەياسى جۇزەگە اسپايتىنىن ايتتى

17 ماۋسىم 19:41
:ءبولىسۋ
NASA عالىمى مارسقا ۇشۋ بويىنشا يلون ماسكتىڭ يدەياسى جۇزەگە اسپايتىنىن ايتتى

نۇر-سۇلتان.قازاقپارات -NASA رەاكتيۆتى قوزعالىس زەرتحاناسىنىڭ جەتەكشى زەرتتەۋشىسى ۆياچەسلاۆ تۋرىشيەۆ يلون ماسكتىڭ مارسقا ۇشۋ يدەياسى جۇزەگە اسپايتىنىن ايتتى.

عالىمنىڭ پىكىرىنشە، يلون ماسك مارسقا ۇشىپ كەتكىسى كەلەتىندىكتەن، جاھاندىق اپات قاۋپىن اسىرا سىلتەگەن. NASA- نىڭ 40 قا جۋىق ميسسياسىن دايىنداۋعا جانە وتكىزۋگە قاتىسقان تۋرىشيەۆ ۇشۋدىڭ ءوزى ەكسپەديتسيا مۇشەلەرى ءۇشىن ءساتسىز اياقتالۋى مۇمكىن ەكەنىن ايتتى.

«بىزگە ءىرى استەرويدتىڭ سوعىلۋ ىقتيمالدىعى بار، ءبىراق بۇل وتە تومەن. ءبىراق بۇل وقيعا تاپ قازىر ەمەس، بىرنەشە ءجۇز جىلدان كەيىن بولۋى مۇمكىن. وسى تاۋەكەلگە نەگىزدەلگەن مارسقا جاپپاي قونىستانۋ سياقتى قادامدار جاساۋ قاجەت پە؟ مۇنداي جاعداي بولاتىنىنى بۇرىن دا ەسكەرتىلگەن. سوندىقتان ءبىزدىڭ مارسقا قونىس اۋدارۋىمىز تۋرالى تەزيس نەگىزسىز»، - دەدى تۋرىشيەۆ.

عالىم NASA جەرگە قاۋىپتى استەرويدتاردى ىزدەيتىن، قاۋىپتىڭ الدىن الاتىن تەحنولوگيا جاساعانىن ايتتى.

«يلون ماسكتىڭ مارسقا ۇشىپ كەتۋىنە سىلتاۋ بولاتىن سەبەپ تاعى بىرەۋگە ازايدى»، - دەدى ول.

الايدا تەحنولوگيالاردى دامىتۋ جانە جاڭا ءبىلىمدى يگەرۋ تۇرعىسىنان العاندا، تۋرىشيەۆ ءورشىل ماقساتتار قوياتىن يلون ماسكتىڭ بولعانىنا قۋاناتىنىن ايتتى.

مارسقا ۇشۋدى ۇيىمداستىرۋداعى قيىندىقتاردىڭ ىشىندە ول تىرشىلىكتى قامتاماسىز ەتەتىن كەيبىر تەحنولوگيالار جوق ەكەنىن ايتتى.

«ايتالىق، عارىش كەمەسى مارسقا كەلدى، ال ەكيپاج مۇشەلەرىنىڭ عارىشتىق رادياتسيانىڭ اسەرىنەن د ن ق- سى وزگەرەدى، راك اۋرۋى قاۋپى ارتادى. ەكىنشىدەن، ۇزاق ۇشۋدان كەيىن بۇلشىقەتتەر اتروفياعا ۇشىرايدى، كالتسي سۇيەكتەن مۇلدەم جوعالادى. مارستىڭ بەتىندە فيزيكالىق جۇمىس ىستەۋ مۇمكىن ەمەس. سەبەبى ادامدار اۋىر جۇمىس ىستەۋگە قابىلەتسىز بولىپ قالادى. وسىنداي السىرەگەن دەنەنىڭ جاراقات الۋ قاۋپى ارتادى. ال شەكتەۋلى ادامدار توبىمەن ۇزاق ۋاقىت وقشاۋلانۋدىڭ پسيحولوگيالىق پروبلەمالارى تاعى بار» - دەدى عالىم.

ونىڭ ايتۋىنشا، مارستاعى ءومىر بۇكىل ادام اعزاسىن قايتا قۇرۋدى قاجەت ەتەدى.


«ماسك مارستا ولگىم كەلەدى دەيدى، ءبىراق وعان جەر بەتىندە باقىتتى ءومىر سۇرۋگە نە جەتپەيدى؟ «، - دەيدى عالىم.

بۇعان دەيىن يلون ماسك ادامزاتتى پلانەتاارالىق تۇرگە اينالدىرۋ جانە ادامداردىڭ ءبىر بولىگىن مارسقا كوشىرۋ قاجەتتىلىگى تۋرالى بىرنەشە رەت ويىن ايتقان. ول ءۇشىن SpaceX Starship زىمىرانىن قۇراستىرىپ جاتىر.

massaget.kz



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات