NASA عارىشقا جىبەرگەن كارتادا نە بەينەلەنگەن؟
ماقساتى - كارتانى عارىش كەمەسىن قۇراستىرا الاتىن سانالى وزگە تىرشىلىك يەسى تاپقان جاعدايدا جەردى انىقتاي الۋى. عالىمدار كارتانى 1977 -جىلى «ۆويادجەر-1» جانە «ۆويادجەر-2» اپپاراتى ارقىلى ۇشىرعان.
«سان جەتپەس» جۇلدىز بەن دەنەسى بار عالامدا قۇس جولىن، ونىڭ ىشىندە كۇندى تابۋ قيىننىڭ قيىنى. كۇننىڭ وزگە جۇلدىزداردان ايتارلىقتاي ايىرماشىلىعى جوق. دەگەنمەن عالىمدار تىعىرىقتان شىعاتىن جول تاپتى. سەكۋندىنا ءجۇز رەت اينالىپ ۇلگەرەتىن پۋلسارلاردان سوڭ (مەزگىل- مەزگىل پايدا بولاتىن يمپۋلستار تۇرىندە جەرگە جەتەتىن عارىشتىق ساۋلەلەنۋ كوزى) كەڭىستىكتە ءجۇرىپ وتكەن جولىندا ءىز قالادى ەكەن. NASA استرونومدارى جەردىڭ ورنالاسقان ورنىن كورسەتە الاتىن 14 كۇن پۋلسارىن تاڭداپ، ولار تۋرالى اقپاراتتى كارتاعا كودتاعان.
كارتادان ءاربىر ءتۇزۋ سىزىق جەردى پۋلسارمەن بايلانىستىراتىنىن كورۋگە بولادى. سىزىقتار - پۋلساردىڭ اينالۋ جىلدامدىعىن بىلدىرەتىن ەكىلىك سان، ال ونىڭ ۇزىندىعى قاشىقتىقتى كورسەتەدى. عالىمدار «ۆويادجەر» سەكىلدى ەش دىبىسسىز ۇشاتىن اپپاراتتى انىقتاي الاتىن كەز كەلگەن تىرشىلىك يەسى پۋلساردىڭ بار ەكەنىنەن حاباردار دەيدى. ولار كارتادان جۇلدىزداردىڭ ورنالاسۋىنا قاراپ جەردى ەش قيىندىقسىز تابۋى قاجەت.
1977 -جىلى ۇشىرىلعان «ۆويادجەر-2» قازىرگى تاڭدا كۇن جۇيەسى شەكاراسىنان اسىپ، جۇلدىزارالىق كەڭىستىككە شىعۋ ۇستىندە. قازىرگى ۋاقىتتا اپپارات پلۋتون پلانەتاسىنان دا جىراقتا - شامامەن 18 ميلليارد شاقىرىم قاشىقتا سەكۋندىنا 15 شاقىرىم جىلدامدىقپەن ۇشىپ بارا جاتىر. عالىمداردىڭ ەسەپتەۋىنشە، ول كۇن جۇيەسىنەن شىعىپ كەتكەننەن كەيىن 10-20 جىل ىشىندە جەرمەن بايلانىستى ۇزەدى. ارى قاراي ونىڭ حابار جىبەرۋگە قۋاتى جەتپەيدى.
massaget.kz