NASA: ايدىڭ كۇن جاعىندا سۋ بار

ۆاشينگتون. EURONEWS- قازاقپارات - سۋ ايداعى پوليۋستەردىڭ كولەڭكەسىندە عانا ەمەس، سونىمەن قاتار تابيعي سەرىكتىڭ كۇن ساۋلەسىمەن جارىقتاندىرىلعان جاعىندا دا بار.

بۇل تۋرالى NASA امەريكالىق اەروعارىش اگەنتتىگى جاريالادى، دەپ حابارلايدى قازاقپارات Euronews-كە سىلتەمە جاساپ.

بۇل جاڭالىق ايدى ستراتوسفەرالىق وبسەرۆاتوريانى قولدانۋ ارقىلى زەرتتەۋ كەزىندە اشىلدى.

سۋ مولەكۋلالارى اسپان دەنەسىنىڭ وڭتۇستىك بولىگىندەگى كلاۆي كراتەرىنەن تابىلدى. وسىلايشا، ايدىڭ مەڭگەرۋ باعدارلامالارىن تۇزەتۋگە مۇمكىندىك بەرەتىن تەوريالار راستالدى.

سۋدىڭ بولۋى ءبىرقاتار ماسەلەنى شەشۋدى جەڭىلدەتەدى، ونى ءتىپتى وتىن جاساۋ ءۇشىن دە قولدانۋ ۇسىنىلدى.

الايدا، NASA استروفيزيكا دەپارتامەنتىنىڭ ديرەكتورى پول حەرتتستىڭ ايتۋىنشا، جەردىڭ تابيعي سەرىگىنەن قانشا سۋ تابۋعا بولاتىنى جانە ونى ناقتى پايدالانۋ مۇمكىندىگى ءالى بەلگىسىز.