قازاقستاندا NASA- نىڭ ورتالىق ازيا ايماقتىق اقپارات ورتالىعى اشىلۋى مۇمكىن
«جەردەگى وزگەرىستەردى باقىلاۋ: سۋ، ەنەرگەتيكا، ازىق-تۇلىك قاۋىپسىزدىگى جانە ورتالىق ازيا مەن كاۆكازداعى تۇراقتى دامۋ» كونفەرەنسياسىنا NASA شتاب-پاتەرىنىڭ وكىلدەرى، مەريلەند شتاتىنىڭ ۋنيۆەرسيتەتى، ميچيگان شتاتىنىڭ ۋنيۆەرسيتەتى، ەللاداداعى زەرتتەۋلەر جانە تەحنولوگيا ورتالىعى (گرەكيا)، «قازاقستان عارىش ساپارى» ۇلتتىق كومپانياسىنىڭ وكىلدەرى قاتىستى.
حالىقارالىق كونفەرەنسيادا قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى مارات نۇرعوجين ءسوز سويلەدى.
«عارىشتان باقىلاۋ جەردى مونيتورينگىلەۋدە كوپ مۇمكىندىك بەرەدى. بۇل جەردە باقىلاۋ مەن ناۆيگاتسيا جۇيەسىنىڭ وربيتالىق جانە جەر ءۇستى كومپونەنتتەرىن قۇرۋ عانا ەمەس، قاشىقتىقتان زوندپەن باقىلاۋدى ءتيىمدى پايدالانۋدى ۇيىمداستىرۋ، عارىشتىق مونيتورينگ جۇيەسىن ەلدىڭ الەۋمەتتىك-ەكونوميكالىق جانە يننوۆاتسيالىق دامۋىن جەدەلدەتەتىن باعدارلامالارمەن بىرىكتىرۋ الدەقايدا ماڭىزدى»، - دەيدى ۆيتسە-مينيستر.
سونداي-اق، ۆيتسە-مينيستر كونفەرەنسيادا قازاقستانداعى عارىش سالاسىن دامىتۋ تۋرالى دا ايتتى. قازاقستاندا زاماناۋي عارىشتىق ينفراقۇرىلىم قۇرىلدى، عارىشتىق جابدىقتار مەن تەحنولوگيالاردىڭ وتاندىق ۇلگىلەرىن دامىتۋدا ۇلكەن جەتىستىكتەرگە قول جەتتى. ولاردىڭ قاتارىندا جەردى قاشىقتىقتان زوندتاۋ عارىش جۇيەسى بار. ول جەردەگى عارىش اپپاراتتارىن باسقارۋ كەشەنى مەن قاشىقتىقتان زوندتاۋ عارىش كەمەسىنەن مالىمەتتەردى قابىلداۋ جانە وڭدەۋگە ارنالعان جەردەگى ماقساتتى كەشەن ەكى وپتيكالىق قۇرىلعىلاردىڭ قۇرامىندا ءساتتى جۇمىس ىستەيدى.
«بۇل عارىش جۇيەسى قازاقستانعا مەملەكەتتىك جانە جەرگىلىكتى اتقارۋشى ورگانداردىڭ مامانداندىرىلعان گەوسەرۆيستەرىندە عارىشتىق مونيتورينگتى دەربەس جۇرگىزۋگە مۇمكىندىك بەردى، بۇل اۋىل شارۋاشىلىعى، توتەنشە جاعدايلار، ەكولوگيا جانە تابيعاتتى پايدالانۋ، جەردى پايدالانۋ، گەودەزيا، كارتوگرافيا، ۇلتتىق قورعانىس جانە باسقا دا سالالارداعى ماسەلەلەردى شەشۋ ءۇشىن قاشىقتىقتان زوندتاۋ مالىمەتتەرىنە جىلدام قول جەتكىزۋگە مۇمكىندىك بەرەدى»، - دەيدى مارات نۇرعوجين.
قاشىقتىقتان زوندتاۋعا قاتىستى ەلىمىزدە اتقارىلعان جۇمىستارعا توقتالعان ۆيتسە-مينيستر سوڭعى جىلدارداعى كورسەتكىشتەردى اتاپ ءوتتى. 2018-جىل مەن 2019-جىلدىڭ وتكەن كەزەڭىندە عارىشتىق مونيتورينگىدەن ونداعان ميلليارد تەڭگە كولەمىندە الدىن-الا مۋلتيپليكاتيۆتىك ناتيجە، سونىمەن قاتار ەكونوميكانىڭ ءارتۇرلى سالاسىنىڭ تيىمدىلىگىن ارتتىرۋ جانە جاقسارتۋ ءۇشىن پايدالانىلعان وڭ ناتيجەگە قول جەتكىزىلدى.