Nıderlandyda qazaqstandyqtarǵa «aqyldy» aýylsharýashylyq tehnologıalary kórsetіldі

BRÝSSEL. QazAqparat - «Qazaqınvest» ulttyq kompanıasy men Nıderlandydaǵy Qazaqstan elshіlіgі qazaqstandyq aýyl sharýashylyq kásіpkerlerіnіń qyzǵaldaqtar elіne saparyn uıymdastyrdy, dep habarlaıdy «QazAqparat» HAA menshіktі tіlshіsі.

Otandyq bıznes ókіlderі Nıderlandydaǵy bіrqatar aýylsharýashylyq kásіporyndary men ǵylymı-zertteý ınstıtýttaryn aralap, aýylsharýashylyq ónіmderіn óndіrýdіń ınnovasıalyq tehnologıasymen tanysty.

Sapar aıasynda nıderlandylyq kásіpkerler Qazaqstannyń agrarlyq saladaǵy áleýetі men elіmіzdіń ınvestısıalyq klımatynyń erekshelіkterі usynylǵan dóńgelek ústel uıymdastyrdy.

Óz kezegіnde, Eýropalyq qaıta qurý jáne damý bankіnіń menedjerі Ásel Aıtqojına QR-daǵy ınnovasıalyq aýyl sharýashylyǵy jobalaryn nesıeleý úshіn qarjy ınstıtýtynyń múmkіndіkterі týraly baıandady. 
Sapar qorytyndysy boıynsha, álemdegі jetekshі ǵylymı-zertteý ortalyqtarynyń bіrі - «Vahenıngen» Nıderlandy ýnıversıtetіmen bіrlesіp, Qazaqstanda agroındýstrıalyq park qurylýy múmkіn.
«Qazaqstan úlken aýylsharýashylyq áleýetke ıe. Óz kezegіnde, Nıderlandynyń keshendі azyq-túlіk klasterlerіn qurý úshіn qajettі tehnologıasy bar», - dedі aýylsharýashylyq mamany Pıter Smıts. 
Aıta keteıіk, Nıderlandy alemde aýylsharýashylyq eksporty boıynsha AQSh-tan keıіngі ekіnshі eń ırı el bolyp tabylady.