12:56, 23 - قىركۇيەك 2021 | GMT +6
ەلورداداعى Mega-دا ۆاكسيناتسيا پۋنكتى جابىلادى
نۇر-سۇلتان. قازاقپارات - «Mega Silk Way» س و و- دا قالا تۇرعىندارىن كوروناۆيرۋسقا قارسى ۆاكسيناتسيالاۋعا ارنالعان پۋنكت 23-قىركۇيەك كۇنى جابىلادى.
ەستەرىڭىزگە سالا كەتەيىك، ازاماتتاردى ۆاكسيناتسيالاۋ پۋنكتى مۇز ايدىنىنىڭ اۋماعىندا، ياعني ءبىرىنشى قاباتتا ورنالاسقان بولاتىن. جوندەۋ جۇمىستارى جۇرگىزىلگەننەن كەيىن مۇز ايدىنىن قالپىنا كەلتىرۋ جوسپارلانىپ وتىر.
قازىرگى ۋاقىتتا قالا تۇرعىندارىنىڭ 66 پايىزدان استامى ۆاكسينانىڭ ءبىرىنشى كومپونەنتىن الدى. ۆاكسيناتسيا ءسىزدىڭ دەنساۋلىعىڭىزدى دا، جاقىندارىڭىز بەن اينالاڭىزداعىلاردىڭ دا دەنساۋلىعىن قورعايدى.
قازىرگى ۋاقىتتا قالا بويىنشا سوو جانە ءسۇ جانىندا 5 ۆاكسيناتسيا پۋنكتى ورنالاسقان: «كەرۋەن» سوو، «حان شاتىر»، «ازيا پارك»، «ابۋ دابي پلازا» جانە «ەۆرازيا» سوو. ۆاكسيناتسيا پۋنكتتەرى مەديتسينالىق مەكەمەلەردە دە ورنالاسقان. بارلىعى 84 ۆاكسيناتسيا پۋنكتى بار. سونداي-اق ەڭبەك ۇجىمدارىن ۆاكسيناتسيالاۋ ءۇشىن كوشپەلى بريگادالار دا جۇمىس ىستەيدى.