ديماش قۇدايبەرگەن قىتايدا تانىمال Mask Singer شوۋىندا ونەر كورسەتتى

نۇر-سۇلتان. قازاقپارات - قازاقتىڭ تانىمال ءانشىسى ديماش قۇدايبەرگەن قىتايدا وتكەن بەتپەردە كيگەن ءانشى (Mask Singer) شوۋىنا قاتىستى.

شوۋ بىرنەشە ساعات بۇرىن قىتاي تەلەۆيدەنيەسىنىڭ ەفيرىنەن كورسەتىلدى، دەپ حابارلايدى «قازاقپارات» ح ا ا ءانشىنىڭ Instagram پاراقشاسىنا سىلتەمە جاساپ.

جوبا ەفيرگە شىققانعا دەيىن ءانشى الەۋمەتتىك جەلىگە ونداعى سۋرەتتەرىن جاريالادى، ال ەفير كۇنى ءوزى ايتقان ءاننىڭ ءۇزىندىسىن ءبولىستى. ديماش قۇدايبەرگەن شوۋدا قىران بەينەسىندە بىرنەشە ءان ايتتى.

Mask Singer - قىتايدىڭ ۆوكالدىق رەاليتي شوۋى. وعان قاتىسقان تانىمال تۇلعالار ءوزىن تانىتپاس ءۇشىن بەتپەردە كيىپ الادى. شوۋدى لي حاو جۇرگىزەدى. انشىلەردىڭ ونەرىن قازىلار القاسى باعالاپ وتىرادى. شوۋدىڭ تۇساۋكەسەرى 2016-جىلعى 18- قىركۇيەكتە Jiangsu Television-دا بولعان.

ديماشتىڭ بەينەجازباسىن سەگىز ساعاتتا 114 مىڭ ادام كورگەن.

بىلتىر دارىندى ءانشى قىتايدىڭ iQiYi پلاتفورماسىنا شىعاتىن «Idol Hits» شوۋىنا قاتىسقان. وندا ديماش رەپ وقىپ، جانكۇيەرلەرىن تاڭعالدىرعان.

الدا ديماش قۇدايبەرگەن جاپونياداعى ABU TV Song Festival 2019 جوباسىنا ارنايى شاقىرىلعان قوناق رەتىندە قاتىسادى. كونسەرت توكيودا 19- قاراشادا بولادى.

ال 10- جەلتوقساندا ءانشى نيۋ-يوركتەگى Barclays Center- دە «Arnau tour ENVOY» كونسەرتىن وتكىزەدى.