Mı ımplanttary oılanýdyń bolashaǵy ma – The Guardian
Bul tarıhı oqıǵa bolǵanymen, mamandardyń aıtýynsha, ımplant mıǵa ornalastyrylǵandyqtan, kerі reaktsııa da bolady árі ýaqyt óte kele sıgnaldar da álsіreı beredі.
«Búkіl álem boıynsha mundaı ımplant tek on adamǵa salynǵan. Al shіlde aıynda Ilon Mask Neuralink kompanıasy qurastyryp jatqan ımplanttardy tanystyrǵan edі. Qazіr bul ımplanttar maımyldarǵa qondyrylǵan, al 2020 jyldyń sońynda adamǵa salyna bastaıdy. Neuralink kompanıasyna 158 mıllıon dollar qarjy salynǵan», - delіngen maqalada.
Degenmen, Ulybrıtanıanyń Koroldіk qaýymdastyǵy neıron ınterfeısіnіń tehnologıalaryn qoldaný jáne retteýdіń júıesі qajet ekenіn málіmdedі.
«Mıdyń málіmetterі kіmge tıesіlі? Olar qandaı maqsatta qoldanylýy múmkіn? Úshіnshі tarap mıdy basqarý múmkіndіgіne ıe bola ala ma? Implanttardy hakerler buza ala ma? Sonymen qatar etıkalyq máselelerdі de eskerý kerek. Tehnologıalar tıіmdі bolsa, ony tek baılar ǵana qoldana ala ma? Buny da zertteý kerek», - deıdі qaýymdastyq mamandary.
Sarapshylardyń aıtýynsha, tehnıkalyq problemalar sheshіlgenіmen, áleýmettіk faktorlar kedergі bolýy múmkіn. Iaǵnı, etıkalyq, quqyqtyq jáne áleýmettіk saldardy nazarǵa alý kerek.