الماتىعا LRT كەرەك، بۇل ماسەلە كۇزدە شەشىلەدى - ەربولات دوسايەۆ

الماتى. قازاقپارات - الماتى LRT جەلىسىن سالۋ ماسەلەسى قازاننىڭ باسىنا دەيىن شەشىلەدى.

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە ەربولات دوسايەۆ ايتتى، دەپ حابارلايدى قازاقپارات ءتىلشىسى.

اكىمنىڭ ايتۋىنشا، مەگاپوليسكە LRT كەرەك.

«تولە ءبي كوشەسىندە ترامۆاي جولدارىنىڭ ورنى بار، دامىتۋعا مۇمكىنشىلىك جەتكىلىكتى. وتكەن جىلى قوعامدىق كەڭەس جينالىسىندا وسىنى تالقىلادىق، شەشىمىن قازاننىڭ باسىنا دەيىن تابامىز»، - دەدى ەربولات دوسايەۆ.

ايتا كەتەيىك، LRT جەلىسىنىڭ قۇرىلىسى 2020-جىلعا جوسپارلانعان بولاتىن. جوبانىڭ ينۆەستيتسيالىق قۇنى - 94203 ميلليون تەڭگە. سونىمەن قاتار، اكىمدىك جەڭىل رەلستى كولىك جەلىسىن سالۋ ءۇشىن جولدا ورنالاسقان قاجەتتى جەر تەلىمدەرىن ساتىپ الماق بولعان.

بۇعان دەيىن حابارلاعانىمىزداي، الماتىدا باستاۋىش مەكتەپتەر تۇرعىن ءۇي كەشەندەرىنىڭ ءبىرىنشى قاباتتارىنا ورنالاسۋى مۇمكىن.

قاڭتار وقيعاسىندا زارداپ شەككەن كاسىپكەرلەردىڭ شىعىنى وتەلدى. ال، قالا اكىمدىگى عيماراتىن جوندەۋ 2023-جىلى اياقتالادى.