LRT ءىسى بويىنشا العاشقى سوت وتىرىسى قاشان وتەتىنى بەلگىلى بولدى
«LRT قۇرىلىسىنا قاتىستى قاراجاتتى جىمقىرۋ بويىنشا العاشقى سوت وتىرىسى 29 -قازان كۇنى ساعات 10.00 دە باستالادى. سوتتالۋشىلار رەتىندە قالانىڭ جولاۋشىلار كولىگى جانە اۆتوكولىك جولدارى باسقارماسىنىڭ باستىعى راشيد امانجولوۆ، بۇرىنعى دەپۋتات ءارى ءماسليحات حاتشىسى جانات نۇرپەيىسوۆ، «Astana Innovations» ا ق بۇرىنعى باسشىسى تالعات ءاشىم، سونىمەن قاتار ءارتۇرلى كاسىپورىنداردىڭ قىزمەتكەرلەرى ۇلىقبەك ءاشىموۆ، تيمۋر قاسابايەۆ، دۋلات مۇسەنوۆ پەن داۋرەن ءابدىزحاميتوۆ جاۋاپ بەرەدى»، - دەپ حابارلايدى سوتتان.
ەسكە سالا كەتسەك، وسى ايدىڭ باسىندا سىبايلاس جەمقورلىققا قارسى ءىس- قيمىل اگەنتتىگىنىڭ 1- دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ «استانا LRT» كومپانياسى بويىنشا ءىس سوتقا جولدانعانىن حابارلاعان ەدى.
«سىبايلاس جەمقورلىققا قارسى قىزمەت جەڭىل رەلستى كولىك جوباسىن ىسكە اسىرۋ كەزىندە 5,8 ميلليارد تەڭگەنى جىمقىرۋ فاكتىسى بويىنشا نۇر- سۇلتان قالاسى اكىمدىگىنىڭ، «استانا LRT» ج ش س جانە باسقالاردىڭ لاۋازىمدى ادامدارىنا قاتىستى قىلمىستىق ءىستى اياقتاپ، سوتقا جولدادى.
سوتقا 7 ادام بەرىلدى. ق. سۇلتانبەكوۆ جانە ت. اردان «كۇزەتپەن ۇستاۋ» بۇلتارتپاۋ شاراسىمەن حالىقارالىق ىزدەۋدە»، - دەدى ول ونلاين- بريفينگتە.
ايتا كەتسەك، مەملەكەت باسشىسى قاسىم- جومارت توقايەۆ LRT ءىسى بويىنشا جاۋاپتى ادامدار باقىلاۋشى ورگانداردىڭ سۇراعىنا جاۋاپ بەرۋى كەرەكتىگىن ەسكەرتكەن بولاتىن.