+7 (701) 759 90 19
16 °С : نۇر-سۇلتان
24 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

ق ر پرەزيدەنتى «Lancaster Group Kazakhstan» حولدينگى ديرەكتورلار كەڭەسىنىڭ ءتوراعاسىن قابىلدادى

24 ماۋسىم 18:36
:ءبولىسۋ
ق ر پرەزيدەنتى «Lancaster Group Kazakhstan» حولدينگى ديرەكتورلار كەڭەسىنىڭ ءتوراعاسىن قابىلدادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ «Lancaster Group Kazakhstan» حولدينگى ديرەكتورلار كەڭەسىنىڭ ءتوراعاسى بەرىك قانيەۆتى قابىلدادى، دەپ حابارلايدى قازاقپارات اقورداعا سىلتەمە جاساپ.

كەزدەسۋ بارىسىندا قازاقستان پرەزيدەنتىنە كومپانيانىڭ سپورت، ءبىلىم بەرۋ جانە ەكولوگيا سالالارىنداعى ىسكە اسىرىلىپ جاتقان جوبالارى تانىستىرىلىپ، حولدينگتىڭ پاندەمياعا قارسى كۇرەسكە قوسقان ۇلەسى تۋرالى باياندالدى.

اتاپ ايتقاندا بەرىك قانيەۆ قاسىم-جومارت توقايەۆقا بالالار مەن جاس وسپىرىمدەر فۋتبولىنا جان-جاقتى قولداۋ كورسەتۋ، جاتتىعۋ ورتالىقتارىنىڭ ينفراقۇرىلىمىن جاقسارتۋ جانە باپكەرلەر قۇرامىنىڭ بىلىكتىلىگىن ارتتىرۋ ماقساتىندا قۇرىلعان «Jas Qyran» فۋتبول ليگاسىنىڭ جەتىستىكتەرى تۋرالى ايتتى.

مەملەكەت باسشىسىنا قازاقستانداعى يننوۆاتسيالىق جەكەمەنشىك مەكتەپتەر جەلىسى - «Quantum STEM Schools» جوباسىنىڭ جۇزەگە اسىرىلۋى جونىندە مالىمەت بەرىلدى. اتالعان وقۋ ورنى سينگاپۋر مەن ا ق ش ەلدەرىنىڭ وزىق تاجىريبەسى نەگىزىندە ءبىلىم بەرۋدى كوزدەيدى. قاسىم- جومارت توقايەۆقا الماتى قالاسىنىڭ ەكولوگياسىن جاقسارتۋ ماقساتىمەن قۇرىلعان «AirVision.kz» قوعامدىق قورىنىڭ جۇمىسى تانىستىرىلدى.

كەزدەسۋ سوڭىندا پرەزيدەنت «Jas Qyran» فۋتبول اكادەمياسى بۇقارالىق بالالار سپورتىن، سونىڭ ىشىندە، فۋتبولدى دامىتۋدا ۇلگى-ونەگە كورسەتىپ وتىرعانىن اتاپ ءوتتى.

مەملەكەت باسشىسى وسى ماڭىزدى باستامانىڭ ءساتتى ىسكە اسۋىنا تىلەكتەستىك ءبىلدىرىپ، «Lancaster Group Kazakhstan» كومپانياسىنىڭ الەۋمەتتىك ماڭىزى بار جوبالاردى ىسكە اسىرۋعا قوسقان ۇلەسىنە وڭ باعا بەردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات