+7 (701) 759 90 19
-4 °С : نۇر-سۇلتان
-2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

«Junior Eurovision» بايقاۋى: ۇلتتىق ىرىكتەۋ فينالى تىكەلەي ەفيرىندە وتەدى

25 قىركۇيەك 09:04
:ءبولىسۋ
«Junior Eurovision» بايقاۋى: ۇلتتىق ىرىكتەۋ فينالى تىكەلەي ەفيرىندە وتەدى

نۇر- سۇلتان. قازاقپارات – 26-قىركۇيەك كۇنى جىل سايىنعى «Junior Eurovision» حالىقارالىق ءان بايقاۋى ۇلتتىق ىرىكتەۋىنىڭ فينالى وتەدى، دەپ حابارلايدى قازاقپارات.

«حابار» تەلەارناسىنىڭ تىكەلەي ەفيرىندە 12 فيناليست ەلىمىزدىڭ تانىمال كومپوزيتورلارىنىڭ ارنايى جازعان اۆتورلىق اندەرىمەن ونەر كورسەتەدى. ترانسلياتسيانىڭ باستالۋ ۋاقىتى - 18.30. ۇلتتىق ىرىكتەۋ جەڭىمپازى قازىلار القاسىنىڭ باعالاۋ قورىتىندىسى جانە تەلەكورەرمەندەردىڭ SMS- داۋىس بەرۋ ناتيجەلەرى بويىنشا انىقتالادى. ۇلتتىق ىرىكتەۋدىڭ فيناليستەرى:

1. سايپولدا يسلام، 11 جاس، نۇر- سۇلتان ق.

2. بۋرحانوۆا اديا، 12 جاس، الماتى ق.

3. جۇماجان ايدانا، 14 جاس، الماتى ق.

4. ماناربەك قىزى اقجىبەك، 14 جاس، نۇر- سۇلتان ق.

5. ماكيم جان، 11 جاس، الماتى ق.

6. مۋكيتانوۆا ايىم، 13 جاس، كوكشەتاۋ ق.

7. عازيز قىزى كاميلا، 13 جاس، نۇر- سۇلتان ق.

8. التىنبەك قىزى سانيا، 13 جاس، سەمەي ق.

9. تۇرسىنوۆا ماحينۋر، 14 جاس، الماتى ق.

· كۋسانوۆا نۇرشات، 10 جاس، اتىراۋ ق.

· تىلەۋبەك ايكەرىم، 13 جاس، نۋر- سۋلتان ق.

· باشانوۆا قاراقات، 12 جاس، الماتى وبلىسى، تالعار، رىسقۇلوۆ اۋىلى.

ورىندالاتىن اندەردى تانىمال قازاقستاندىق كومپوزيتورلار ارمان دۇيسەنوۆ، حاميت شانعاليەۆ، باۋىرجان بيماحان، رۋسلان شەرنيزار، ەربول ناريمان، شىرىن بازارقۇلوۆا، ەدۋارد بەرعاليەۆ جانە ءالي وقاپوۆ شىعاردى. ۇلتتىق ىرىكتەۋدىڭ قازىلار القاسىنىڭ قۇرامىن «قازاقكونتسەرت» مەملەكەتتىك كونتسەرتتىك ۇيىمىنىڭ ديرەكتورى جەڭىس سەيدوللا ۇلى، «حابار» تەلەارناسىنىڭ ديرەكتورى دينارا بيسەمبينا، ءانشى- كومپوزيتور قايرات باەكەنوۆ، ديماش قۇدايبەرگەننىڭ ساۋندپروديۋسەرى ەرلان بەكچۋرين، ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ دەكانى، پروديۋسەرى باعىم مۇحيتدەنوۆا جانە حالىقارالىق مۋزىكالىق بايقاۋلاردىڭ جەڭىمپازدارى - جانار دۇعالوۆا، امىرە، Dinaya جانە ءمادي سىزدىقوۆ تولىقتىردى.

سونداي- اق، ۇلتتىق ىرىكتەۋگە ارنايى شاقىرىلعان ءادىل- قازى مۇشەسى - بەلگىلى كومپوزيتور، پروديۋسەر، «ەurovision Song Contest» ءان بايقاۋىنداعى ءازىربايجان دەلەگاتسياسىنىڭ جەتەكشىسى يسا مەليكوۆ تە قاتىستى.



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات