+7 (701) 759 90 19
-23 °С : نۇر-سۇلتان
-8 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قازاقستاندىقتار ەرجان ماكسيمدى Junior Eurovision بايقاۋىنا شىعارىپ سالدى

18 قاراشا 11:45
:ءبولىسۋ
قازاقستاندىقتار ەرجان ماكسيمدى Junior Eurovision بايقاۋىنا شىعارىپ سالدى

الماتى. قازاقپارات - ەرجان ماكسيم پولشادا وتەتىن Junior Eurovision حالىقارالىق بايقاۋىنا اتتاندى، دەپ حابارلايدى قازاقپارات «حابار 24» تەلەارناسىنا سىلتەمە جاساپ.

الماتى اۋەجايىندا ءانشىنى تۋعان- تۋىستارى مەن جانكۇيەرلەرى شىعارىپ سالدى. ولار اۋەجايعا ەكى ساعات بۇرىن كەلگەن.

جاس تالانت بۇل بايقاۋعا تىڭعىلىقتى دايىن ەكەندىگىن ايتادى. ول پولشاعا جەتكەن سوڭ كۇنىنە 2-3 ساعاتتان جاتتىعۋدى جوسپارلاپ وتىر.

«ماعان ديسنەيدىڭ كوبىنەسە مۋلتفيلمدەرى ۇنادى. سونداي ولەڭدەرگە ۇقساتىپ جازىلدى. ەندى Junior Eurovision عا دەيىن كوپتەگەن دايىندىقتار بولادى»، - دەدى ول.

ە. ماكسيمنىڭ اكەسى ونىڭ جەڭىسكە جەتەتىنىنەن ءۇمىتتى.

«ەرجانعا سەنەمىز. قولىنان كەلگەنشە ءوزىنىڭ بار تالپىنىسىن سالادى دەگەن ويدامىز. ۇمىتتەمىز. جاقسى ءبىر جەتىستىككە جەتەدى دەگەن ويدامىز. ءبارى وڭىنان بولسىن دەپ تىلەيمىز»، - دەيدى ەربول ماكسيم ۇلى.

ايتا كەتەيىك، ەرجان ماكسيم Eurovision بايقاۋىنا ارنايى ءان جازدىرىپ، وعان بەينەكليپ ءتۇسىردى. ال تىكەلەي كونكۋرس كۇندەرى كورەرمەندەرگە ءتۇرلى ساحنالاندىرىلعان قويىلىمدار ۇسىنىلماق.

ەسكە سالساق، ورالدىق ءانشىنىڭ اتالمىش حالىقارالىق بايقاۋعا قاتىساتىنىن بۇعان دەيىن حابارلاعان بولاتىنبىز. 10 -قازان كۇنى ول الماتىدا باسپا ءسوز ءماسليحاتىن وتكىزىپ، بايقاۋعا ارنالعان «ارمانىڭنان قالما» ءانىنىڭ بەينەبايانىن كورسەتتى. ونىڭ رەجيسسەرى - الەكساندر فلومبويم، پروديۋسەرى - سەرگەي رۋتسكيي. ءاننىڭ اۆتورلارى - حاميت شانعاليەۆ، دانيار الدابەرگەنوۆ جانە تيمۋر بالىمبەتوۆ.

15 -قاراشا كۇنى نۇر-سۇلتاندا وتكەن باسپا ءسوز ءماسليحاتىندا ەرجان ساحناعا نەشىنشى نومىرمەن شىققىسى كەلەتىنىن ايتتى.

«حابار» اگەنتتىگىنىڭ باسقارما ءتوراعاسى ەرلان بەكحوجيننىڭ ايتۋىنشا، بيىل بايقاۋعا نەگىزىنەن ەۋروپالىق وداق ەلدەرىنىڭ وكىلدەرى قاتىسادى. ازەربايجان مەن تۇركيا ءوز كانديداتتارىن ۇسىنباعاندىقتان، ەرجان بۇكىل تۇركى الەمنىڭ اتىنان ونەر كورسەتەتىن بولادى.

Junior Eurovision مۋزىكالىق بايقاۋىنىڭ اشىلۋ ءراسىمى 18 -قاراشا كۇنى ءوتىپ، جاس انشىلەر جەرەبە تارتادى. سول ارقىلى ساحناعا شىعاتىن رەتتىك نومىرلەرى انىقتالادى. 24 -قاراشادا بولاتىن فينالدىق كەزەڭدى «حابار« تەلەارناسىنان تىكەلەي ەفيردەن كورۋگە بولادى. جەڭىمپازدى تەلەكورەرمەندەردىڭ داۋىس بەرۋى مەن قۇرامىنا 3 ەرەسەك جانە 2 بالا كىرەتىن بايقاۋعا قاتىسۋشى ەلدەردىڭ تورەشىلەرى انىقتايدى.

«Junior Eurovision» العاش رەت 2003 -جىلى دانيانىڭ كوپەنگاگەن قالاسىندا ءوتتى. بيىلعى بايقاۋعا 19 ەلدەن ورەندەر قاتىسادى. ال قازاقستان بايراقتى باسەكەگە العاش رەت 2018 -جىلى مينسكىدە (بەلارۋس) قاتىستى. ەلىمىز اتىنان «وزىڭە سەن» انىمەن دانەليا تولەشوۆا ونەر كورسەتىپ، التىنشى ورىنعا يە بولدى. باس جۇلدە پولشالىق روكساننا ۆەنگەلگە بۇيىردى. ەكىنشى ورىندى فرانسيا ءانشىسى انگەلينا، ءۇشىنشى ورىندى اۆستراليالىق دجاەل ۋەنا جەڭىپ الدى.

اۆتور: ميرا تولەندى قىزى


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات