پرەزيدەنت «Jas Otan» قاتارىنا جاستار اراسىندا سەنىمگە يە كوشباسشىلاردى تارتۋدى تاپسىردى
«قاڭتارداعى قايعىلى وقيعالار جاستاردىڭ الەۋمەتتىك-ەكونوميكالىق بەيىمدەلۋىندەگى ۇلكەن ولقىلىقتى كورسەتىپ بەردى. بۇعان جەرگىلىكتى اتقارۋشى ورگاندارمەن قاتار جالپى مەملەكەتتىك باسقارۋ جۇيەسى كىنالى. «Jas Otan» ناقتى جۇمىس ىستەۋ ءۇشىن زور الەۋەتكە يە. پارتيانىڭ جاستار قاناتىندا بۇكىل ەلىمىز بويىنشا 100 مىڭنان استام مۇشە بار. ءبىراق، وسىناۋ ايتارلىقتاي رەسۋرس لايىقتى قولدانىلماي وتىر»، - دەدى مەملەكەت باسشىسى.
ق ر پرەزيدەنتى قالالاردا جايلاستىرىلماعان جاستارمەن ناقتى جۇمىس جۇرگىزىلۋى تيىستىگىن باسا ايتتى.
«Jas Otan» قاتارىنا پايدالى قوعامدىق قىزمەتپەن اينالىسۋعا دايىن، جاستار اراسىندا سەنىمگە يە كوشباسشىلاردى تارتۋ قاجەت. مەملەكەت جاستاردى جۇمىسپەن قامتۋ، ءبىلىم بەرۋ جانە وقىتۋ سالاسىندا ءبىرقاتار ماڭىزدى جوبانى جۇزەگە اسىرۋدا. الايدا، الەۋمەتتىك سۇراۋ سالۋ ناتيجەسى جاستاردىڭ باسىم بولىگى ولار جايىندا ەشتەڭە دە بىلمەيتىندىگىن كورسەتىپ وتىر. مۇنداي احۋالدى تاباندى تۇردە وزگەرەتۋ قاجەت»، - دەدى مەملەكەت باسشىسى.
ايتا كەتەيىك، پارتيا سەزىندەگى مەملەكەت باسشىسىنىڭ سويلەگەن ءسوزى ق ر پرەزيدەنتى باسپا ءسوز قىزمەتىنىڭ Twitter- دەگى پاراقشاسىندا جاريالانۋدا.