ارمەنيا IT تەحنولوگيالاردى بىرلەسە دامىتۋدى ۇسىندى

None
None
بىشكەك. قازاقپارات - ارمەنيا پرەمەر- ءمينيسترى نيكول پاشينيان ەۋرازيالىق ەكونوميكالىق فورۋمنىڭ جالپى وتىرىسىندا اقپاراتتىق تەحنولوگيالاردى بىرلەسە دامىتۋدى ۇسىندى، دەپ حابارلايدى قازاقپارات ءتىلشىسى.

ءوز سوزىندە ن. پاشينيان گەوگرافيالىق الشاقتىعىنا قاراماستان ارمەنيانىڭ ەاەو- داعى بارلىق ينتەگراتسيالىق پروتسەستەرگە بەلسەندى قاتىساتىنىن اتاپ ءوتتى.

«قىزمەت كورسەتۋ سالاسىنا كەلسەك، شىنىندا قىزمەتتەر ءبىزدىڭ وداق ەلدەرىنىڭ ەكونوميكالىق ىنتىماقتاستىعىن دامىتۋدا جاڭا ءوسۋ نۇكتەلەرىنىڭ گەنەراتورىنا اينالدى. بۇل سالانىڭ ەكونوميكاداعى ءرولى ۇنەمى وسۋدە جانە جەكەلەگەن قىزمەت تۇرلەرى ءوندىرىس فاكتورلارى رەتىندە سالالاردىڭ، ءوندىرىستىڭ جانە ەكونوميكا تاۋارلارىنىڭ باسەكەگە قابىلەتتىلىگىنە ايتارلىقتاي اسەر ەتۋدە. وسىعان بايلانىستى ەۋرازيالىق ينتەگراتسيانىڭ ماڭىزدى مىندەتى - ەركىندىك پەن قىزمەتتەر قوزعالىسىن قامتاماسىز ەتۋ بولىپ وتىر. بۇل مىندەت سالانى ليبەريزاتسيالاۋ، قىزمەتتەردىڭ ءبىرىڭعاي نارىعىن قالىپتاستىرۋ جانە ونىڭ جۇمىس ىستەۋى ارقىلى شەشىلىپ جاتىر، بۇل ءوز كەزەگىندە بيزنەستى جانداندىرۋ مۇمكىندىكتەرىن كەڭەيتەدى»، - دەدى ارمەنيا پرەمەرى.

سونىمەن بىرگە ن. پاشينيان تەلەكوممۋنيكاتسيانى، ولارعا تەڭ قولجەتىمدىلىكتى قامتاماسىز ەتەتىن اقپاراتتىق تەحنولوگيالاردى دامىتۋعا باسا نازار اۋداردى.

«ىنتىماقتاستىقتىڭ ماڭىزدى باعىتى - وداققا مۇشە مەملەكەتتەردىڭ IT قوعامداستىقتارىنىڭ كۇش- جىگەرىن شوعىرلاندىرۋ، بۇل ەكونوميكانىڭ جوعارى تەحنولوگيالىق سەكتورلارىن بەلسەندى دامىتۋعا جانە وداقتىڭ سيفرلىق مىندەتتەرىن تولىققاندى ىسكە اسىرۋعا ىقپال ەتەدى. تەحنولوگيالار - ەكونوميكادا سەرپىلىس جاساۋدىڭ ءبىر مۇمكىندىگى. ءدال وسى سالا ارمەنيا ءۇشىن ستراتەگيالىق ماڭىزعا يە، ويتكەنى بۇل پورتتاردى، تەڭىزگە شىعۋدى جانە باي جەر قويناۋىن قاجەت ەتپەي- اق دامىتۋعا بولاتىن سالالاردىڭ ءبىرى. بۇل ءۇشىن ادامي كاپيتال قاجەت، ال بۇل رەسۋرسپەن ارمەنيا ءاردايىم ەرەكشەلەنىپ كەلەدى»، - دەدى نيكول پاشينيان.

ايتا كەتەيىك، بىشكەك قالاسىندا ەۋرازيا ەكونوميكالىق فورۋمىنىڭ پلەنارلىق وتىرىسى ءوتىپ جاتىر. وعانبىشكەكتە رەسمي ساپارمەن جۇرگەن قازاقستان پرەزيدەنتى قاسىم- جومارت توقايەۆ قاتىستى. ال رەسەي، ارمەنيا جانە بەلارۋس باسشىلىعى اتالعان فورۋمعا ونلاين رەجيمدە قوسىلدى.


سوڭعى جاڭالىقتار