الماتىدا IT ماماندار تاپشى

None
None
نۇر-سۇلتان. قازاقپارات - بۇل ماماندىق بۇعان دەيىن دە سۇرانىسقا يە بولىپ كەلگەن. پاندەميا كەزىندە اقپاراتتىق جۇيەلەر سالاسىنا قىزۋشىلىق ارتا ءتۇستى.

بۇعان قاشىقتان ونلاين جۇمىس ىستەۋ ءتاسىلى دە اسەر ەتتى. قازىر ءىرىلى- ۇساقتى كومپانيالار، كاسىپورىندار مەن مەكەمەلەر اۆتوماتتاندىرۋ جۇيەسىنە كوشىپ جاتىر. سوندىقتان IT ماماندارعا دەگەن قاجەتتىلىك ارتتى.

لۋنارا سۇلەيمەنوۆا ءوزىن جولى بولعىش ادام سانايدى. جوعارى وقۋ ورنىنا دا قينالماي تۇسكەن. جۇمىستى دا تەز تاپقان. سەبەبى ماماندىقتى دۇرىس تاڭدادىم دەيدى. راسىندا دا ول كوپ ۋاقىت جۇمىس ىزدەپ قينالماپتى. اقپاراتتاندىرۋ جۇيەسى بويىنشا IT مامانى اتالىسىمەن، ديپلومىن الىپ بىردەن جۇمىسپەن قامتۋ ورتالىعىنا بارعان. ءوتىنىش قالدىرىپ كەتكەننەن كەيىن كەلەسى كۇنى جۇمىسقا شاقىرعان.

لۋنارا سۇلەيمەنوۆا، IT مامانى:

- ءبىر كۇننەن كەيىن ماعان حابار بەرەدى. ءسىزدى وسىنداي كومپانيا شاقىرىپ جاتىر جۇمىسقا، قاراپ كورىڭىز دەپ. جاقسى كومپانيا ەكەن. پروگرامميستەردىڭ قانداي جۇمىس ىستەيتىنىن كوردىم. سوسىن 6 اي تاجىريبە. قازىر جۇمىس ىستەپ جاتىرمىن. قازىر 21- عاسىر. تەحنولوگيالاردىڭ زامانى بولىپ كەلەدى. سول ءۇشىن اقپاراتتىق جۇيەلەر اسا قاجەت دەپ ويلايمىن.

IT- مامانداردىڭ ازدىعى تەك قازاقستاندى عانا ەمەس، ءبىرقاتار مەملەكەتتەردى الاڭداتىپ وتىر. الەمدىك رەيتينگ بويىنشا بۇل ەڭ قاجەت ماماندىقتار تىزىمىنە كىرەدى. جۇمىس بەرۋشىلەر وسى كاسىپ يەلەرىنە دەگەن سۇرانىس پاندەمياعا دەيىن دە جوعارى بولعان دەيدى. ماسەلەن، الماتىدا وسى سالا بويىنشا جۇمىسپەن قامتۋ ورتالىعى ارقىلى بىلتىر 60 قا جۋىق ال، بيىل 3 جارىم ايدىڭ ىشىندە 30 مامان ەش قيىندىقسىز جۇمىسقا ورنالاسقان.

ديليارا يمانقۇلوۆا، جۇمىسپەن قامتۋ ورتالىعىنىڭ ديرەكتورى:

- IT مامانداردى بىزگە كوپتەپ وقىتۋ كەرەك. وزدەرىڭىز جاقسى بىلەسىزدەر، قازىر جاڭا تەحنولوگيالار، ءوندىرىس، كولىك سىندى بارلىق سالاعا ىقپال ەتىپ جاتىر. بۇگىنگى كۇنى بىزدە بوس ورىندار بار. IT - ءدىڭ ءوزى ىشىندە بىرنەشەگە بولىنەدى. سونىڭ 21 ماماندىعى بويىنشا 61 مامان قاجەت. ۆەب ديزاينەر، قوسىمشا جاساۋشى، س م م مەندەجەر، ينجەنەر باعدارلاماشى مەن جۇيەلىك ينجەنەرلەرگە سۇرانىس كوپ.

ال ەڭبەك جولىن ەندى باستاپ جاتقان لۋنارانىڭ ايتۋىنشا جاستاردىڭ IT سالاسىن تاڭداۋىنا كوپ جاعدايدا وقۋ اقىسى كەدەرگىسىن كەلتىرەدى. سوندىقتان تۇلەكتەر باعاسى ارزان، ءبىراق ەڭبەك نارىعىنا قاجەت ەمەس ماماندىقتى تاڭداۋعا ءماجبۇر بولادى دەيدى.

لۋنارا سۇلەيمەنوۆا، IT مامانى:

- مەنىڭ بايقاعانىم، دوستارىمنىڭ اراسىندا ءبارى وسى ماماندىقتى وقىعىسى كەلەدى. ءبىراق قازىر مىناداي جاعداي بولىپ جاتىر. وقۋ اقىسى جوعارى دەگەن سياقتى. تالپىنىستارى جەتەدى. ءبىراق قاراجات جاعىنان كەلمەي قالىپ جاتادى، سول ءۇشىن باس تارتىپ جاتادى.

قازىر مەگاپوليستە بۇدان وزگە تەلەكوممۋنيكاتسيالىق بايلانىس، دەنساۋلىق ساقتاۋ، ءبىلىم بەرۋ سالاسىنا ماماندار كەرەك. سوندىقتان كىم بولام دەگەندە الدىمەن ەڭبەك نارىعىن زەرتتەپ العان ءجون. ەگەر قاجەت ماماندىق يەسى بولساڭ، جۇمىسسىز قالمايتىنىڭ انىق.


www.24.kz


سوڭعى جاڭالىقتار