13:23, 30 - قىركۇيەك 2020 | GMT +6
اسقار مامين نارىق قاجەتتىگىنە ساي IT مامانداردى دايىنداۋدى تاپسىردى
نۇر- سۇلتان. قازاقپارات - پرەمەر- مينيستر اسقار مامين جاۋاپتى مينيسترلىكتەرگە نارىقتىڭ قاجەتتىگىنە بايلانىستى IT مامانداردى دايىنداۋدى تاپسىردى، دەپ حابارلايدى قازاقپارات ءتىلشىسى.
«جوعارى تەحنولوگيالى شەشىمدەردىڭ دامۋىمەن ەلەكتروندى سالادا - دەنساۋلىق ساقتاۋ، ءبىلىم بەرۋ، ەلەكترونى ۇكىمەت قىزمەتتەرى سالاسىندا، 4.0 يندۋستريادا جانە جاساندى ينتەللەكتتە سيفرلىق قۇزىرەتتەردى دامىتۋ وزەكتى بولا ءتۇستى. تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ءبىلىم جانە عىلىم مينيسترلىگىمەن، «اتامەكەن» پالاتاسىمەن بىرلەسىپ، نارىقتىڭ الەۋەتتى قاجەتتىگىنە بايلانىستى ءىت- مامانداردى دايىنداۋ ماسەلەلەرىن پىسىقتاسىن»، - دەدى اسقار مامين ۇكىمەت وتىرىسىندا.
ەسكە سالا كەتسەك ۇكىمەت باسشىسى بۇگىنگى وتىرىستا جىل سوڭىنا دەيىن اۋىل حالقىنىڭ %99 نا كەڭ جولاقتى ينتەرنەت قولجەتىمدى بولاتىنىن ءمالىم ەتكەن ەدى.