مەملەكەت باسشىسى IT سالاسىنداعى كەمشىلىكتەر تۋرالى ايتتى
«ۇلكەن جۇيەلى كەمشىلىكتەر انىقتالدى. ءبىلىم جانە عىلىم مينيسترلىگى امالسىز تەلەديدار ارقىلى ساباق بەرۋگە ءماجبۇر بولدى. جارناماسى جەر جارعان «E-Learning» جۇيەسى ىستەمەي قالدى. E-gov تا ۇزىلىستەر بايقالدى. ۆيرۋستىق كەزەڭنەن كەيىنگى كەزەڭدە ءبىز وسى جاعدايلاردان ساباق الىپ، ەسەپتەردى تالداۋعا دايىن بولۋىمىز كەرەك. ەڭ باستىسى، شىن مانىندە سيفرلى مەملەكەت بولۋ ءۇشىن IT سالاسىن ساپالى جاڭا دەڭگەيگە شىعارۋ جوسپارىن دايىنداعانىمىز ابزال. كەلەسى جىل مەملەكەتىمىز ءتيىمدى سيفرلاندىرۋ نىشانىمەن ءوتۋى كەرەك»، - دەدى مەملەكەت باسشىسى قاسىم- جومارت توقايەۆتىڭ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا.
پرەزيدەنت جاڭا تاجىريبەنى ەسكەرە وتىرىپ، «سيفرلى قازاقستان» مەملەكەتتىك باعدارلاماسىن قوسىمشا قارجىلىق شىعىندارسىز قايتا قاراۋ قاجەتتىگىن اتاپ ءوتتى. «ءبىز دەنساۋلىق ساقتاۋ، ءبىلىم جانە عىلىمدى تۇبەگەيلى رەفورمالاۋىمىز كەرەك. جوعارىدا ايتقانىمداي، داعدارىس جاقسى، ويتكەنى ول بارلىق كەمشىلىكتى اشىپ بەرىپ، ۇلكەن مۇمكىندىكتەردى دە الا جۇرەدى. ءبىز ولاردىڭ ارتىقشىلىعىن پايدالانۋىمىز كەرەك. رەفورمالاردى دامىتۋ جۇمىستارى قازىردەن باستالۋى ءتيىس»، - دەدى ول.
اۆتور: ايان بەكەن ۇلى