+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قازاقستانداعى ەڭ ۇزدىك IT ستارتاپتارعا 10 مىڭ دوللار بەرىلمەك

26 قازان 09:21
:ءبولىسۋ

نۇر- سۇلتان. قازاقپارات - 28-29-قازاندا وتەتىن Digital Bridge-2021 حالىقارالىق فورۋم اياسىندا ءداستۇر بويىنشا ەلدىڭ ۇزدىك تەحنولوگيالىق ستارتاپتارى انىقتالادى، دەپ حابارلايدى قازاقپارات.

وسى جىلى Astana Hub Battle جارىسىنىڭ جۇلدەلىك قورى ءى ورىن ءۇشىن $10 مىڭ، Ⅱورىنعا $5 مىڭ جانە Ⅲ ورىنعا $3 مىڭ قۇرايدى. ستارتاپتارعا قاتىسۋ ءۇشىن قويىلاتىن باستى شارتتار: MVP نەمەسە MVO ساتىسىنداعى ەكسپورتقا شىعۋعا الەۋەتى بار جوبا، كوماندادا كەم دەگەندە 2 نەگىزگى ادامنىڭ بولۋى جانە جوبانىڭ نارىقتاعى تاجىريبەسى 2 جىلدان اسپاۋى ءتيىس.


Astana Hub Battle-2021 بارىسى قانداي؟

- سايتتا سۇرانىم بەرگەن 100 باسەكەگە قابىلەتتى جوبا جارتىلاي فينالعا ءوتىپ، 28-قازاندا 1 مينۋتتىق پرەزەنتاتسيامەن Digital Bridge الاڭىندا مامانداردىڭ الدىندا ءسوز سويلەيدى.

- قازىلار القاسىنىڭ شەشىمىمەن 29-قازاندا 10 ۇزدىك جوبا digitalbridge.kz باس ساحناسىندا ءوز جوباسى تۋرالى 3 مينۋتتىق پرەزەنتاتسياسىن وتكىزەدى.

- ىرىكتەۋدىڭ ەكى كەزەڭىنىڭ ناتيجەلەرىمەن باتتل جۇلدەگەرلەرى انىقتالادى.

Astana Hub تەحنوپاركىنىڭ باس ديرەكتورى ماعجان ماديەۆتىڭ ايتۋىنشا، ءىس- شارا بىرىنشىدەن، قازاقستانداعى ستارتاپ- ەكوجۇيەسىنىڭ جاڭا تالانتتارىن ايقىنداۋعا جانە جوبالار دامۋدىڭ جاڭا دەڭگەيىنە كوتەرىلۋىنە قولداۋ كورسەتۋ ءۇشىن ۇيىمداستىرىلدى.

«جىلدان جىلعا ستارتاپتار اراسىندا باسەكە ۇيىمداستىرۋ ارقىلى ءبىز بىرنەشە ماقساتتاردى كوزدەيمىز: ەكوجۇيەنىڭ جاڭا قاتىسۋشىلارىن تابۋ، وتاندىق ستارتاپ- مادەنيەتىن دارىپتەۋ جانە ەلدەگى تەحنولوگيالىق كاسىپكەرلىكتى دامىتۋ»، - دەيدى ماعجان ماديەۆ.

وتكەن جىلداردىڭ بايقاۋلارىنىڭ جەڭىمپازدارى بولىپ KidSecurity, Abscrypt, Antidolg, Smart Gas, WebTotem مەن Kompra اتاندى، ولار بۇگىنگى كۇنى قازاقستاندىق IT- نارىعىندا ءساتتى دامىپ، ءوز ونىمدەرىن شەتەلگە ەكسپورتتاۋدا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات