ەلوردادا ۆاكسيناتسيالانعاندار اراسىندا بەس iPhone 12 ويناتىلادى
تاعى بەس iPhone 12 جانە باسقا دا باعالى سىيلىقتاردىڭ بەسىنشى ۇتىس ويىنى 7 -تامىزدا (سەنبى) نۇر- سۇلتان قالاسى اكىمدىگىنىڭ الەۋمەتتىك جەلىلەردەگى (Facebook, YouTube) پاراقشالارىندا تىكەلەي ەفيردە وتەدى. بەسىنشى ۇتىس ويىنىنا 31-شىلدە مەن 6-تامىز ارالىعىندا (قوسا العاندا) ۆاكسينا العاندار قاتىسادى. ۇتىس ويىنىنا بايلانىستى قۇجات تولتىرىپ، تىركەلۋدىڭ قاجەتى جوق. قالا اكىمدىگى دەمەۋشىلەر ەسەبىنەن باعالى سىيلىقتاردىڭ ۇتىس ويىندارىن اپتا سايىن وتكىزەدى. وسى اپتالىق ۇتىس ويىنىنان باسقا، 28-شىلدە مەن 6-تامىز ارالىعىندا (قوسا العاندا) ۆاكسيناتسيالانعاندار اراسىندا ءۇش iPhone12 ويناتىلادى. اتالعان ۇتىس ويىنىنا «ءابۋ دابي پلازا» ، «كەرۋەن»، «سارىارقا» ساۋدا كەشەندەرىندە جانە ولارعا بەكىتىلگەن ب م س ك ۇيىمدارىندا - №2, 9 جانە 14 قالالىق ەمحانالاردا ۆاكسينا العاندار قاتىسادى.
بۇل ۇتىس ويىنىنىڭ تىكەلەي ەفيرى 7-تامىزدا وتەدى.
Birge (https://birge-elorda.kz/nur-sultan) پلاتفورماسىندا ۇتىس ويىنىنىڭ جەڭىمپازدارىن انىقتاۋ ءۇشىن ارنايى راندومايزەر سەرۆيسى ورناتىلعان. ونى ازىرلەۋگە IT- قاۋىمداستىق قاتىستى. ەكپە العاندار بويىنشا سەرۆيس ق ر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن. ايتا كەتەيىك، ەلوردادا ازاماتتاردى ۆاكتسيناتسيالاۋعا ىنتالاندىرۋ ماقساتىندا باعالى سىيلىقتار ويناتىلادى. ەكپە العانداردىڭ اراسىندا ەكى بولمەلى پاتەر ويناتىلادى. وسى جىلدىڭ 25 -ماۋسىمى مەن 31 -تامىزى ارالىعىندا ۆاكتسينانىڭ ءبىرىنشى كومپونەنتىن العان 18 جاستان اسقان قالا تۇرعىندارىنىڭ ەلوردادا جىلجىمايتىن مۇلىكتى ۇتىپ الۋ مۇمكىندىگى بار.
ايتا كەتۋ كەرەك، ۇتىس ويىندارى دەمەۋشىلەردىڭ كومەگىمەن وتكىزىلەدى. سونداي- اق «MEGA Silk Way» س و و ۆاكتسيناتسيا پۋنكتىندە ءبىرىنشى كومپونەنتپەن ۆاكسينالانعاندار اراسىندا اۆتوموبيلدىڭ ۇتىس ويىنى جاريالاندى.
ەلوردادا وتكىزىلەتىن ۇتىس ويىندارى ازاماتتاردى ۆاكسينا الۋعا ىنتالاندىرۋ، وسىلايشا ولار ءوز دەنساۋلىعىن، جاقىن جانە اينالاسىنداعى ادامداردىڭ دەنساۋلىعىن ساقتايتىنىن ءتۇسىنۋى ءۇشىن ۇيىمداستىرىلادى. ويتكەنى، باستى ماقسات — ۇجىمدىق يممۋنيتەتتى قالىپتاستىرۋ جانە قالىپتى رەجيمگە ورالۋ. ۇجىمدىق يممۋنيتەتتىڭ ۇلەسى %60 دان اسۋى كەرەك.