+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

الماتىدا ۇرلانعان تەلەفونداردىڭ IMEI كودىن بۇزعان پروگرامميست ۇستالدى

3 شىلدە 20:17
:ءبولىسۋ
الماتىدا ۇرلانعان تەلەفونداردىڭ IMEI كودىن بۇزعان پروگرامميست ۇستالدى

الماتى. قازاقپارات - الماتىدا ۇرلانعان تەلەفونداردىڭ IMEI كودىن بۇزعان پروگرامميست ۇستالدى، دەپ حابارلايدى قازاقپارات ءتىلشىسى.

كريمينالدىق پوليتسيانىڭ مالىمەتىنشە، 27 جاستاعى م. ەسىمدى ازامات زاڭسىز ءىس-ارەكەتىن قالانىڭ تۇركسىب اۋدانىندا ورنالاسقان ءوز ۇيىندە جاساعان.

«كۇدىكتىنىڭ تۇرعىلىقتى جەرىن رۇقسات ەتىلگەن ءتىنتۋ كەزىندە 42 قولدانىلعان ۇيالى تەلەفون، نوۋتبۋك، ەكى پلانشەت جانە ءبىر جەكە كومپيۋتەر تابىلىپ تاركىلەندى. ولاردىڭ كومەگىمەن كۇدىكتى ابونەنتتىك قۇرىلعىنىڭ سايكەستەندىرۋ كودتارىن (يمەي) وزگەرتگەن. سونىمەن قاتار، كۇدىكتىنىڭ ءوزىنىڭ قىلمىستىق ماقساتىن جۇزەگە اسىرۋ ءۇشىن ارنايى كومپيۋتەرلىك باعدارلامانى قولدانعان»، - دەيدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.

ۇستالعان ادامنىڭ ءىس-ارەكەتى ق ر ق ك 213-بابىنا سايكەس كۆاليفيكاتسيالانعان. تاركىلەنگەن سيفرلىق قۇرىلعىلاردىڭ يەلەرىن انىقتاۋ ءۇشىن جەدەل ءىس-شارالار قابىلدانۋدا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات