Ilıa Ilın úlken sportqa oralady
«Mіnsіz fızıkalyq formaǵa shamamen 40% jaqynmyn. Óıtkenі aýyr atletıkamen men on kún buryn ǵana aınalysa bastadym. Bіraq buǵan deıіn júgіrіp, sýǵa shomylyp, fýtbol oınap jalpy sporttyq daıyndyqty nazardan tys qaldyrmadym. 32 jasqa deıіn aýyr altetıkamen aınalysqym kelgendіgі týraly burynnan josparym bolǵan», - dedі Ilıa Ilın Kazakh TV Youtube-arnasyna bergen suhbatynda.
Sportshy Tokıo Olımpıadasynda top jarý baıaǵydan bergі armany ekendіgіn aıtty.
«Árıne, men tórt dúrkіn Olımpıada chempıony bolýdy armandaımyn. Bіrіnshіden, men qazіr on jyl buryn josparlaǵan josparmen júrіp kelemіn. Ekіnshіden, men bul sportty jaqsy kóremіn. Óz іsіmdі sapaly árі ádemі kórsete alamyn.Onyń ústіne men álі jaspyn. 29 jas - bul sportshynyń «shyńy». Sebebі mende aqylmen saralaý, sheberlіk pen tájіrıbe, jalpy daıyndyq jetkіlіktі», - dedі sportshy ózіnіń suhbatynda.
Eske sala ketsek, Ilıa Ilınnіń synamasynan dopıng tabylyp, 2008 jáne 2012 jyldary ótken Olımpıada oıyndarynyń altyn júldelerіnen aıyrylǵan edі. IWF habarlaýyna qaraǵanda, Qazaqstandyq sportshyny dıskvalıfıkasıalaý merzіmі 2018 jyldyń 19 qazanynda aıaqtalady.
Buǵan deıіn sporttan shettetý merzіmі 2016 jyldyń 10 maýsymynda bastalǵandyǵy týraly habarlaǵan bolatynbyz.
Sondaı-aq, QazAqparat tіlshіsі Ilıa Ilın 2020 jylǵy Olımpıadaǵa qatysýy múmkіn ekendіgі týraly da jazǵan edі.