ديماشتىڭ ورىنداۋىنداعى Ikanaide ءانى جاپون تەلەارناسىنان شىرقالادى

نۇر- سۇلتان. قازاقپارات – 31-جەلتوقساندا جاپونيانىڭ NHK ۇلتتىق تەلەارناسىندا ABU TV 2021 ەڭ ۇلكەن ءان فەستيۆالى كورسەتىلەدى.

كونسەرتتىڭ كورسەتىلىمىندە ديماشتىڭ ايگىلى «ikanaide « ءانى شىرقالادى، دەپ حابارلايدى قازاقپارات dimashnews رەسۋرسىنا سىلتەمە جاساپ. ABU TV Song Festival - ازيا- تىنىق مۇحيتى حابار تاراتۋ وداعىنىڭ جىل سايىنعى باس اسسامبلەياسى اياسىندا وتكىزىلەتىن ازيانىڭ كاسىبي مۋزىكانتتارىنىڭ ءىرى كونتسەرتى. بيىل فەستيۆال 18-قاراشادا مالايزيادا ونلاين فورماتتا ءوتتى. وعان الەمنىڭ 10 ەلىنەن تانىمال ۆوكاليستەر قاتىستى. كونسەرتتە قازاقستان اتىنان «سلاۆيان بازارى» بايقاۋىنىڭ جەڭىمپازى امرە اتىمەن تانىمال ەرنار سادىربايەۆ تا ونەر كورسەتتى.

ABU TV Song Festival 2021 كورسەتىلىمى جاپونيانىڭ «NHK World Japan» تەلەارناسىندا 30-31-جەلتوقسانعا قاراعان ءتۇنى (توكيو ۋاقىتى بويىنشا 0:35) وتەدى، ال كەڭ اۋديتوريا ءۇشىن 2022 -جىلدىڭ 22-جانە 23-قاڭتارىندا قولجەتىمدى بولادى.

ديماش قۇدايبەرگەن ABU TV Song Festival ەفيرىندە «ikanaide « انىمەن ارنايى قوناق رەتىندە ونەر كورسەتەدى. العاش رەت جاپون تىلىندە ديماشتىڭ ورىنداۋىندا اڭىزعا اينالعان كومپوزيتسيا 2021 -جىلدىڭ 28-قاراشاسىندا توكيو دجاز فەستيۆالىندە شىرقالدى. بۇعان دەيىن ديماش فەستيۆالعا 2016 -جىلى ىستانبۇلدا جانە 2019 -جىلى توكيودا قاتىسقان بولاتىن.