قازاقستاندىق بوكسشى ءۇش اتاقتى قورعاعاننان كەيىن IBF- ءتىڭ ۇزدىك وندىعىنا كىردى

نۇر-سۇلتان. قازاقپارات - قازاقستاندىق بوكسشى ايدوس ەربوسىن ۇلى (14-0 , 9 ك و) حالىقارالىق بوكس فەدەراتسياسىنىڭ (IBF) ورتا سالماق دارەجەسىندەگى رەيتينگتە ورنىن ەداۋىر جاقسارتتى.

بۇل تۋرالى «قازاقپارات» ح ا ا Sport.kz-عا سىلتەمە جاساي وتىرىپ حابارلايدى.

جاقىندا مينسكىدەگى جەڭىسىنەن كەيىن ايدوس ەربوسىن ۇلى رەيتينگتە 13-ورىننان 9-ورىنعا كوتەرىلدى.

IBF - ايدوس ءۇشىن ەڭ باستى ءتورت ۇيىمنىڭ ىشىندەگى ازىرگە چەمپيوندىق بەلبەۋى جوق جالعىز ۇيىمى.

ەسكە سالا كەتسەك، قازاقستاندىقتار WBO Global، WBC Asia جانە WBA International بويىنشا ەكىنشى دارەجەلى اتاقتارعا يە.

سوڭعى جەكپە-جەگىندە ايدوس ەربوسىن ۇلى ءادىلقازىلاردىڭ ءبىراۋىزدان قابىلداعان شەشىمى بويىنشا نيگەريالىق نەمىس نۋحۋ لاۆالدى (27-7، 15 ك و) جەڭىپ، بەلدىكتەرىن ءساتتى قورعادى.